İtaliyanın keçmiş mankenlərindən olan Klaudia Romaninin hakimlik etməsinə qadağa qoyulub. Fanat.az xəbər verir ki, buna səbəb onun çəkdirdiyi fotolar olub.
Belə ki, Romani mankenlik fəaliyyətinə son qoyaraq hakimliyə başlayıb. Lakin o, ötən il "Milan" forması ilə fotosessiya etdirdiyindən A və B Seriyasında hakimlik etməsinə qadağa qoyulub.
İtaliya Hakimlik Komitəsinin kurslarını birinciliklə bitirən və qaydalara görə ölkənin liqalarında hakimlik etmək hüququ qazanan Romani bir reklam üçün "Milan" formasında kamera qarşısına keçmişdi. Hakimin bir klubun forması ilə şəkil çəkdirməsinin etik normalara sığmadığı bildirilərək onun fəaliyyəti qadağan edilib.
Qərardan sonra açıqlama verən Romani "Ediləcək bir şey yoxdu. Hakimlər Komitəsi bir qərar qəbul edib, ona tabe olmaq məcburiyyətindəyik. Yoldaşlıq oyunlarına təyinat alacağıma inarıram" deyib.
Fanat.az