Aktual mövzular: Dollar alış-satışı , Hava haqqında, Məzənnə, Neftin qiyməti

Məşhur səyahətçi Aleksandr Bunin Azərbaycana səfər etməyin beş əsas səbəbini açıqlayıb

Məşhur səyahətçi Aleksandr Bunin Azərbaycana səfər etməyin beş əsas səbəbini açıqlayıb

Date: 14 January 2016 21:03


Bakı, 14 yanvar, AZƏRTAC
Rusiyanın “Serebryanıy dojd” radiostansiyasının “Bon voyaj” verilişinin aparıcısı və məşhur səyahətçi Aleksandr Bunin Azərbaycana səfəri haqqında “Moskva-Baku.ru” saytına müsahibə verib.
Mədəniyyət və Turizm Nazirliyindən AZƏRTAC-a bildirilib ki, bütün dünyanı gəzən A.Bunin Yeni il tətilində ölkəmizə səfər edib. Məşhur səyyah ölkəmizə səfərinin birinci səbəb kimi “Azərbaycan - şərq mətbəxinin təamlarından zövq alınacaq bir ölkədir”,- deyə qeyd edib.
İkinci səbəb olaraq, “Azərbaycan Hava Yollarının ən tələbkar turisti belə yaxşı mənada təəccübləndirə bildiyi” qeyd olunub. Səyahətçi səfəri zamanı ilk təcrübəsinin də elə buradan başlandığını, Azərbaycana məxsus yeni “AZAL Boinq-767” təyyarəsinin rahatlığı, yeniliyi, ideallığı, qonaqpərvərliyi və yeməklərin çoxçeşidli olması ilə onu çox təəccübləndirdiyini bildirib. A.Bunin Azərbaycana gəlmək istəyən turistlərə bu aviaşirkətə müraciət etməyi tövsiyə edib.
Səyyahın sözlərinə görə, “Paytaxt Bakı- qədimiliyin, müasir üslubda olan memarlıq nümunələrinin və əzəmətli göydələnlərin birləşdiyi sehrli bir şəhərdir”. Bu isə onun ölkəmizə səfərinin üçüncü səbəbidir. İçərişəhərin hələ də qədim sehrini qoruyub saxlaması, bir zamanlar eşitdiyi və oxuduğu məlumatların canlı şahidi olması rusiyalı qonaqda böyük təəssürat oyadıb. Bakıda aparılan tikinti işlərinin genişmiqyaslılığı, yeni binaların düşünülmüş arxitekturası, mərmərdən və bürüncdən olan çilçıraqları ilə diqqəti çəkən yeraltı piyada keçidlərinin möhtəşəmliyi onu heyran edib. A.Bunin yeni memarlıq işlərinin Bakının müasir siması olduğunu da vurğulayıb.
Səfərinin dördüncü səbəbi kimi “Azərbaycanın qonaqpərvərliyi hər bir xırda detalda belə əks olunur” deyən qonaq oteldə və restoranlarda qarşılaşdığı yüksək qonaqpərvərlikdən böyük məmnunluğunu ifadə edib, eyni zamanda, qiymətlərin münasib olduğunu vurğulayıb.
Ölkəmizə gəlişinin beşinci səbəbini açıqlayan qonaq deyib: “Şahdağda xizək tətili keçirmək heç də Avropa kurortlarından geri qalmır”.
Şahdağ Turizm Mərkəzini özünün böyük kəşfi adlandıran səyahətçi bu mərkəzin dövlətin maliyyə vəsaiti hesabına inşa edilməsindən təəccübləndiyini bildirib, buna görə Azərbaycan hökumətinə təşəkkür edib. O deyib: “Artıq görünür ki, Şahdağ istirahət və bütövlükdə turizm üçün perspektivli məkandır, burada işlər yüksək keyfiyyət və zövqlə görülüb”.
Müsahibənin sonunda A.Bunin maraqlı səfərlərindən sonra sosial şəbəkələrdə insanlara məsləhətlərini verdiyini söyləyib və bildirib ki, artıq onun bütün izləyiciləri Azərbaycan haqqında yazdıqlarına müsbət münasibət göstərib, bu ölkəyə səfər edəcəklərini qeyd ediblər.
Müsahibə ilə aşağıdakı linkdə tanış olmaq mümkündür:


Tags:  Məşhur səyahətçi Aleksandr Bunin Azərbaycana səfər etməyin beş əsas səbəbini açıqlayıb


RƏYLƏR


Top news