Aktual mövzular: Dollar alış-satışı , Hava haqqında, Məzənnə, Neftin qiyməti

İŞİD 3 gün matəm elan etdi

İŞİD 3 gün matəm elan etdi

Date: 15 January 2016 08:12

İraq Ənbar əyalətinin Rəmadi şəhərinin yaxınlığındakı böyük itkilərdən sonra İŞİD terror qruplaşması matəm elan edib.
Milli.Az anspress-ə istinadən bildirir ki, yerli "Sumeriyə" tele kanalı bildirib ki, qondarma xəıifə Əbu Bəkr əl Bağdadi məruz qaldıqları məğlubiyyət və itkilər səbəbindən 3 gün yas tutulmasını əmr edib.
Bu məğlubiyyətin və itkilərin İŞİD terror qruplaşmasında böyük ruh düşkünlüyü yaratdığı bildirilir. Bundan başqa İraq ordusunun keçirdiyi əməliyyatlar nəticəsində 237 İŞİD silahlısı məhv edilib, həmçinin 27 ədəd "Toyota" markalı pikap, 4 zirehli texnika və 4 ədəd "Hummer" marklı zirehli maşın ələ keçirilib.

Dünən isə Türkiyənin baş naziri Əhməd Davudoğlu İŞİD qruplaşmasına zərbə vurduqlarını bildirib. Davudoğlu, 48 saat ərzində İŞİD mövqelərinə tank və toplardan 500-ə yaxın mərmi atıldığını, yerli döyüşçülərin komandirləri daxil olmaqla 200 İŞİD-çinin həlak olduğunu bildirib.

Davudoğlu lazım gələrsə, terrorçulara qarşı əməliyyatlara hava qüvvələrinin də cəlb olunacağını deyib.
"Bundan sonra Türkiyəyə uzanan bütün əllər Türkiyənin qonaqlarına yönəli istənilən təhdid, layiqli cavab ilə cəzalandırılacaq. İŞİD terror qruplaşması Türkiyə sərhədlərində tam olaraq uzaqlaşana qədər, bölgədə dünyada mübarək dinimiz olan İslamın adını ləkələyən əməllərini sürdürdükcə, ən qətiyyətli şəkildə mübarizə aparmağa davam edəcəyik", - deyə Türkiyənin baş naziri bildirib.

Yanvarın 12-də səhər saatlarında Türkiyənin İstanbul şəhərindəki tarixi Sultan Əhməd Meydanında güclü partlayış baş verib. Terakt nəticəsində Almaniya vətəndaşı olan 10 turist ölüb, 15 nəfər xəsarət alıb. Terror hadisəsini İŞİD terror qruplaşmasının törətdiyi iddia olunmuşdu.
Milli.Az


Tags:  İŞİD gün matəm elan etdi


RƏYLƏR


Top news