Aktual mövzular: Dollar alış-satışı , Hava haqqında, Məzənnə, Neftin qiyməti

Prezident İlham Əliyev “Kütləvi informasiya vasitələri haqqında” qanuna dəyişiklikləri təsdiqləyib

Prezident İlham Əliyev “Kütləvi informasiya vasitələri haqqında” qanuna dəyişiklikləri təsdiqləyib

Date: 15 January 2016 09:23

Bakı. Trend:

Azərbaycan Prezidenti İlham Əliyev “Kütləvi informasiya vasitələri haqqında” qanuna dəyişikliklərin təsdiq edilməsi barədə sərəncam imzalayıb.

Trend-in məlumatına görə, sərəncama əsasən, Nazirlər Kabinetinə qanunların və prezidentin aktlarının “Kütləvi informasiya vasitələri haqqında” qanunda dəyişiklik edilməsi barədə” qanuna uyğunlaşdırılması ilə bağlı təkliflərini üç ay müddətində hazırlayıb Azərbaycan prezidentinə təqdim etmək, Nazirlər Kabinetinin normativ hüquqi aktlarının həmin qanuna uyğunlaşdırılmasını üç ay müddətində təmin edib Azərbaycan Prezidentinə məlumat vermək, Mərkəzi icra hakimiyyəti orqanlarının normativ hüquqi aktlarının həmin qanuna uyğunlaşdırılmasını nəzarətdə saxlamaq və bunun icrası barədə beş ay müddətində Azərbaycan prezidentinə məlumat vermək və həmin qanundan irəli gələn digər məsələləri həll etmək tapşırılıb.

Ədliyyə Nazirliyinə tapşırılıb ki, mərkəzi icra hakimiyyəti orqanlarının normativ hüquqi aktlarının və normativ xarakterli aktların “Kütləvi informasiya vasitələri haqqında” Azərbaycan Respublikasının Qanununda dəyişiklik edilməsi barədə” qanuna uyğunlaşdırılmasını təmin edib Nazirlər Kabinetinə məlumat versin.

Dəyişikliyə əsasən, “Kütləvi informasiya vasitələri haqqında” qanunun 19-cu maddəsində “təsisçinin və ya məhkəmənin” sözləri “təsisçinin, məhkəmənin və ya “Televiziya və radio yayımı haqqında” Azərbaycan Respublikasının Qanununda nəzərdə tutulmuş hallarda teleradio yayımı sahəsində müvafiq dövlət orqanının” sözləri ilə əvəz edilib.

Bizi Twitter-dən izləyin: @trend_az


Tags:  Prezident İlham Əliyev Kütləvi informasiya vasitələri haqqında qanuna dəyişiklikləri təsdiqləyib

RƏYLƏR


Top news