Aktual mövzular: Dollar alış-satışı , Hava haqqında, Məzənnə, Neftin qiyməti

Ötən il Korrupsiyaya Qarşı Mübarizə Baş İdarəsinə 10 min 654 müraciət daxil olub

Date: 15 January 2016 10:43


Bakı, 15 yanvar, AZƏRTAC
2015-ci ildə Korrupsiyaya Qarşı Mübarizə Baş İdarəsinə 10 min 654 müraciət daxil olub ki, bunun da 7266-sı “Qaynar xətt” əlaqə mərkəzi vasitəsilə edilib. Onlardan 5954-ü aidiyyəti üzrə qurumlara göndərilib. Baş İdarənin özü tərəfindən araşdırılan müraciətlərin sayı 449 olub. Otuz müraciət üzrə isə cinayət işi başlanıb.
AZƏRTAC xəbər verir ki, bu faktı baş prokurorun müavini - Baş Prokuror yanında Korrupsiyaya Qarşı Mübarizə Baş İdarəsinin rəisi Kamran Əliyev 2015-ci ildə korrupsiyaya qarşı mübarizə sahəsində görülmüş işlərlə bağlı təşkil olunan mətbuat konfransında deyib.
Ötən ilin Baş İdarə üçün uğurlu olduğunu vurğulayan K.Əliyev istər korrupsiya təqibi, istərsə də beynəlxalq əməkdaşlığın genişləndirilməsi baxımından mühüm nailiyyətlərin əldə edildiyini bildirib.
Vurğulanıb ki, ötən il daxil olmuş cinayət xarakterli materialların sayı 190 olub. Həmin materialların 42 faizini dələduzluq, 22 faizini qulluq mövqeyindən sui-istifadə etməklə özgə, şəxsi və bələdiyyə əmlakını mənimsəmə, 15 faizini rüşvət tələbetmə, digərlərini isə saxta sənədlər hazırlama və s. təşkil edib.
Ötən il əməliyyat qurumları tərəfindən 609 müraciət araşdırılıb. Hesabat dövründə 301 şəxs barəsində 207 cinayət işinin istintaqı tamamlanıb. Onlardan 295 şəxs barəsində 200 cinayət işi baxılması üçün məhkəmələrə göndərilib.

Tags:  Ötən il Korrupsiyaya Qarşı Mübarizə Baş İdarəsinə 10 min 654 müraciət daxil olub


RƏYLƏR


Top news