Aktual mövzular: Dollar alış-satışı , Hava haqqında, Məzənnə, Neftin qiyməti

Aytən Səfərova: "O qədər sırtıq, valideyn tərbiyəsi görməyən..."

Aytən Səfərova: "O qədər sırtıq, valideyn tərbiyəsi görməyən..."

Date: 15 January 2016 10:57

"Sumqayıtda müəllim şagirdi döyüb. Gör o müəllimi hansı həddə çatdırmaq lazımdır ki, 150 manata hər gün məktəbə yarıac-yarıtox ayaq döyən bir ailə başçısı buna əl atsın. Həmin müəllim o sırtıq şagirdin, o gədənin atasının etmədiyini edib".

Milli.Az axşam.az-a istinadən xəbər verir ki, bu sözləri aparıcı Aytən Səfərova yazıb. O, Sumqayıtda şagirdi döydüyü üçün məktəbdən uzaqlaşdırılan müəllimin haqlı olduğunu vurğulayıb:

"Məni və qardaşımı atam kəmərlə ayağımızdan vururdu. Oğlunu, qızını vaxtında döyməsəydi, indi dizini döyərdi. Məktəblərdə o qədər sırtıq, valideyn tərbiyəsi görməyən, sanki meşədən sivilizasiyaya çıxan, sözlə izaholunmaz dərəcədə axmaq uşaqlar var ki... Hamı Qurgeni baltaladığına görə Ramil Səfərovu qınayırdı. Görün nə həddə çatdırmaq lazımdır ki, gözünə heç nə görünməyib belə addım atsın. O müəllimə mən yalnız səbr diləyirəm. Biz isə düzələn deyilik. Hətta toylarda əlində çubuq tutan xalqlardanıq. Düzəlmək üçün sanki yun çubuğunu özümüzə vurdurmalıyıq. Xoş danışanı qorxaq sanırıq, saymayanı başımıza otuzdururuq, özümüzə hörmət qoymuruq".

A.Səfərova bu fikirlərinə görə onu qınayanlara da cavab verib:

"Mən öz uşağına tərbiyə verən valideynlərdənəm. Uşağım böyük-kiçik yerini bilən, müəllimə hörmət qoyan ailədən məktəbə gedir. Bu bir ananın və müəllim qızının yazdığı statusdur. Gülməkdə hamı sərbəstdir".

Milli.Az


Tags:  Aytən Səfərova sırtıq valideyn tərbiyəsi görməyən


RƏYLƏR


Top news