Aktual mövzular: Dollar alış-satışı , Hava haqqında, Məzənnə, Neftin qiyməti

GMO məhsulların Azərbaycana gətirilməsi qadağan edildi

GMO məhsulların Azərbaycana gətirilməsi qadağan edildi

Date: 15 January 2016 11:26

Azərbaycana geni modifikasıya edilmiş üzümçülük, pambıqçılıq məhsullarının gətirilməsi qadağan edilib. Prezident İlham Əliyev “Üzümçülük və şərabçılıq haqqında”, “Pambıqçılıq haqqında” Azərbaycan Respublikasının Qanununun tətbiqi haqqında sərəncamı imzalayıb.

Dəyişiklikdə qeyd edilib ki, şərabçılıq məhsullarının istehsalında, pambıq və pambıq məhsullarının istehsalında və dövriyyəsində genetik modifikasiya olunmuş bitkilərin, yaxud müasir biotexnoloji və gen mühəndisliyi metodları ilə yaradılmış kənd təsərrüfatı bitki materiallarının istifadəsinə yol verilmir.

Genetik modifikasiya olunmuş bitkilərdən, yaxud müasir biotexnoloji və gen mühəndisliyi metodları ilə yaradılmış kənd təsərrüfatı bitki materiallarından istifadə edilərək istehsal olunan şərabçılıq məhsullarının Azərbaycan Respublikasına idxalına yol verilmir.

Dövlət başçısı Nazirlər Kabinetinə “Üzümçülük və şərabçılıq haqqında” qanununda dəyişikliklər edilməsi barədə” Azərbaycan respublikasının qanununa uyğunlaşdırılması ilə bağlı təkliflərini üç ay müddətində hazırlayıb təqdim etmək tapşırılıb.

Prezident ötən gün həmçinin “Tütün və tütün məmulatı haqqında” Qanuna dəyişiklikləri təsdiq edib.Dəyişikliklərə əsasən, tütün və ya tütün məmulatları genetik modifikasiya olunmuş bitkilərdən, yaxud müasir biotexnoloji və gen mühəndisliyi metodları ilə yaradılmış kənd təsərrüfatı bitki materiallarından istifadə edilərək istehsal olunduqda onun idxalı qadağan edilir.

Tags:  GMO məhsulların Azərbaycana gətirilməsi qadağan edildi


RƏYLƏR


Top news