Aktual mövzular: Dollar alış-satışı , Hava haqqında, Məzənnə, Neftin qiyməti

Dəniz nəqliyyatı sahəsində məsuliyyətin artırılmasında Dəniz Administrasiyasına dəstək layihəsin açılışı baş tutub

Dəniz nəqliyyatı sahəsində məsuliyyətin artırılmasında Dəniz Administrasiyasına dəstək layihəsin açılışı baş tutub

Date: 15 January 2016 13:53


Bakı, 15 yanvar, AZƏRTAC
“Azərbaycan Respublikasında dəniz nəqliyyatı sahəsində məsuliyyətin artırılmasında Dövlət Dəniz Administrasiyasına dəstək” adlı tvinninq layihəsinin açılışı baş tutub.
Azərbaycan Respublikası Dövlət Dəniz Administrasiyasından AZƏRTAC-a bildirilib ki, layihənin həyata keçirilməsinə ötən ilin noyabrın 16-dan başlanılıb.
Açılışı baş tutan bu layihədə əsas məqsəd Azərbaycanda dəniz üzgüçülüyünün təhlükəsizliyi və dənizin çirkləndirilməsinin qarşısının alınması ilə əlaqədar Beynəlxalq Konvensiyalarda nəzərdə tutulmuş məsuliyyət prosedurlarının Avropa İttifaqı qanunvericiliyi ilə əlaqəli şəkildə həyata keçirilməsində və tətbiqi məsələlərində Dövlət Dəniz Administrasiyasının potensialının gücləndirməkdən ibarətdir. Bundan başqa dəniz nəqliyyatı sahəsi üzrə inzibati məsuliyyəti müəyyən edən normativ hüquqi aktlar, İnzibati Xətalar, Cinayət və Ticarət Gəmiçiliyi Məcəllələrinin müvafiq hissələrinin bir daha nəzərdən keçirilməsi, dəyişikliklərin edilməsi, inzibati prosedurların yenidən işlənib hazırlanması nəzərdə tutulur.
Tədbirdə Dövlət Dəniz Administrasiyasının rəis müavini Şahlar Məmmədov, Avropa İttifaqının Azərbaycandakı nümayəndəliyinin əməliyyatlar bölməsinin rəhbəri Yerun Villems, layihə rəhbəri Benito Nunez Quintanilla, rezident tvinninq müşaviri Fernando Juan Collado Simon, eləcə də Nazirlər Kabineti, İqtisadiyyat və Sənaye, Ədliyyə, Ekologiya və Təbii Sərvətlər nazirlikləri və “Azərbaycan Xəzər Dəniz Gəmiçiliyi” QSC-nin nümayəndələri iştirak ediblər.
Dövlət Dəniz Administrasiyasının rəis müavini Şahlar Məmmədov Azərbaycan Respublikasının Prezidenti İlham Əliyevin rəhbərliyi altında son dövrlərdə ölkədə dəniz nəqliyyatının inkişaf etdirilməsi istiqamətində bir sıra mühüm işlər görüldüyünü vurğulayıb: “Yeni Gəmiqayırma Zavodunun, Bakı Beynəlxalq Dəniz Ticarət Limanın tikintisi, eləcə də Xəzər Dəniz Gəmiçiliyi ilə SOCAR-ın tərkibində olan Xəzər Dəniz Neft Donanmasının birləşdirilərək “Azərbaycan Xəzər Dəniz Gəmiçiliyi” QSC-nin yaradılması da mühüm addımlardandır. Ən əsası da dəniz nəqliyyatı sahəsi üzrə milli qanunvericiliyin beynəlxalq standartlara uyğunlaşdırılması istiqamətində kifayət qədər iş görülüb”.
Avropa İttifaqının Azərbaycandakı nümayəndəliyinin əməliyyatlar bölməsinin rəhbəri Yerun Villems isə təmsil etdiyi qurumla ölkəmiz arasındakı əlaqələrə toxunaraq dəniz üzgüçülüyünün təhlükəsizliyi və dəniz mühitinin mühafizəsinə böyük önəm verdiklərini vurğulayıb. O, həmçinin Avropa İttifaqının maliyyələşdirdiyi TRASEKA-nın SASEPOL və Avropa Dəniz Təhlükəsizliyi Agentliyinin (EMSA) “TRASEKA: dənizin mühafizəsi və təhlükəsizliyi II” layihələri barədə danışıb. Yerun Villems 2014-cü ildə uğurla yekunlaşan Dövlət Dəniz Administrasiyasının benefisiarı olduğu “Azərbaycan Respublikasında dəniz üzgüçülüyünün təhlükəsizliyinin və dəniz mühitinin mühafizəsinin təkmilləşdirilməsi haqqında tvinninq layihəsi” barədə də ümumi məlumat verib.

Tags:  Dəniz nəqliyyatı sahəsində məsuliyyətin artırılmasında Dəniz Administrasiyasına dəstək layihəsin açılışı baş tutub


RƏYLƏR


Top news