Fransızca danışan göysatan, ən ucuz göbələk, bahalaşmayan “can dərmanı”... BAZARIN GÜNÜ

Fransızca danışan göysatan, ən ucuz göbələk, bahalaşmayan “can dərmanı”... BAZARIN GÜNÜ
14:04 15 Yanvar 2016
44 Sosial
Ölkə mətbuatı
A- A+

Lent.az-n əməkdaşı paytaxtın ən məşhur bazarından yazır

Hər iki tərəf narazıdı. Alan da, satan da. Alıcı bazarda qiymətlərin bahalığından, satıcı isə alıcılıq qabiliyyətinin zəifliyindən. Söhbət paytaxtdakı “8 km bazarı”ndan gedir.

 

Günorta çağı olsa da, bazarda satıcılar boşluqdan, necə deyərlər, milçək ovlayırdılar. Adda-budda bir alıcı ola, o da qiymətdən narazı qalıb gedə.

 

Əvvəl ət məhsullarından başladıq. Bazarın girişində balıq satan Cavanşirin sözlərinə görə, balığın qiymətində artım olmayıb. O, kütümün kilosunu bahalaşmadan əvvəl də 5 manata satırmış, indi də. Eləcə də toyuqların qiymətində də artım olmayıb. Bunu da Rəsul deyir.

 

Mal və qoyun ətinə gəlincə, bazarda köhnə qiymətlər qalır: dana əti 7.50 manata, qoyun əti isə 9-10 manat arasında dəyişir. Daimi müştəriləri var. Xahiş edincə, qiymətdə güzəştə gedirlər. Qəssab Hacı Nemət deyir, alıcılıq 2 dəfə azalıb.

 

- Qiyməti qaldırmaq olmur. Ət rayondan gəlmir ki?! Özümüz kəsib, özümüz alırıq. Baha eləsək, alıcılarımızı itirəcəyik. Onsuz da bahalaşmadan bəri alver xeyli azalıb. Əvvəl günortaya ət qalmazdı. Dükanı bağlayıb gedərdik. İndi axşama yeddi-səkkizə kimi gözləyirik ki, bəlkə alıcı olar.

 

Qiymətindən ən çox şikayətlər eşidilən kənd yumurtası son devalvasiyadan sonra 10 qəpik  bahalaşıb, dənəsi 25 qəpik olub. Bunu da buğdanın bahalaşması ilə əlaqələndirirlər.

 

Süd və süd məhsulları olan tərəfə keçirik. Əsas yerli məhsullar satılır. Buna görə də qiymətlərdə artım yoxdu. Əslən İsmayıllıdan olan Çimnaz xalanın sözlərinə görə, pendirin kilosunu 3-4 manata satırlar.

 

Əhalinin gündəlik tələbatında əsas yeri tutan kartof-soğanın qiymətində artım var. Əksər kartoflar xaricdən gəldiyi üçün əvvəl 70-80 qəpiyə satılan kartof bu gün 1 manat, 1 manat 30-40 qəpikdən satırlar.

 

Kartof satan Aydın baba deyir ki, əvvəl gündəlik daha çox alver edirmiş.

 

- Əvvəl günə 30-40 kilo kartof satardım. Səhərdən indiyə kimi cəmisi 10 kilo kartof satmışam. 3-4 kilo kartof alan adam, indi gəlir ki, yarım kilo kartof ver, yarım kilo da soğan. Camaatda pul yoxdu. Onlar alver etməyincə, bizim də dolanışığımız çətinləşir. Əvvəl alıcı əlindən bazarda tərpənmək olmazdı. Bu gün bazara baxın! Alıcıdan çox satıcı var.

 

Göyərti satan Mətanət xala da qiymətlərdən narazıdır. Deyir, dükanlarda ərzaq məhsulları qalxıb:

 

- Yağ, un bahalanıb. Əvvəl göyün altısını-yeddisini 1 manata satırdımsa, indi beşini-altısını verirəm. Məcburam baha satmağa. Mən də yeməliyəm axı?! Banka kredit ödəyirəm. Xərclərim var. Alan yoxdu, ay qızım. Qiymətləri soruşub gedirlər.

 

Bazarda əsas qiymət artımı meyvə-tərəvəzdə görmək olur. Meyvə-tərəvəz alveri ilə məşğul olan Elşad bəy meyvələrdə bahalaşmanı topdan satış məntəqələrində qiymətlərin qalxması ilə izah edir.

 

- Qiymətlər artıb deyə alıcılar da azalıb.

 

Ovcunu irəli uzadır:

 

- Baxın, bu günə cəmi 70 qəpiklik alver etmişəm. Gündə 11 manat yerpulu verirəm.

 

Sonra əyilib piştaxtanın arxasından yeşik çıxarır:

 

- Alan yoxdu. Xarab olur, atırıq.

 

Özü əkib-becərib satana rast gəlmədik. Bazardakıların əksəriyyəti alverçidir. Alıb satırlar. Meyvə satılan digər “polka”nın qiymətləri ilə maraqlanırıq.

 

- Hər yerdə qiymət qalxıb. Tək bizdə yox. Deyirlər, süni qiymət artımı var. Tutaq ki, mən kəndliyəm. Yerkökü becərmişəm. Bu kökü mən neçəyə satım ki, evimə yağ alım? Dükanda yağı bahalaşdırıb, 15 manata qoyublar. Deyir, yerli məhsul qalxmasın. Yaxşı, qalxmasın. Bəs mən kökün qiymətini qaldırmasam, yağı, qəndi, “pesok”u, unu necə alım? Paltarsız birtəhər dolanarıq. Köhnədən nəyimiz var, geyinərik. Bəs bu kəndli yeməsə necə işləyəcək? Kəndli neyləsin, acından ölsün?

 

Elə bu zaman alıcı yaxınlaşır. Almaların qiyməti soruşub, narazılıq edir.

 

- Yağı anladıq, xaricdən gəlir. Bəs alma? Alma ki, yerli məhsuldu. Bu niyə bahalanıb?

 

Bu sözləri demişdi ki, satıcılarla alıcı aralarında mübahisə yarandı.

 

Alıcı xanım deyir ki, Gədəbəy kartofu Rusiyadan gələn kartofdan ucuzdu. Niyə o ucuz verə bilir, siz verə bilmirsiniz? Öz torpağımızdan çıxan malı baha verirlər.

 

Elşad bəy yarmarkalardan da gileyləndi.

 

- Yarmarkaları təşkil edirlər. Allah razı olsun. Amma qiymətlər bazarla eynidir. Yarmarkada ucuz olsaydı, ordan ucuz alıb, biz də ucuz satardıq. Yarmarkada yaşlı heyvan ətini 5 manata satırlar. Bizim bazarda da kilosu 5 manata mal əti var. Cavan dana ətini kim 5 manata satar? Sonra da deyirlər ki, guya yarmarkalarda ucuzluqdu.

 

Satıcılar topdan satış məntəqələrində əvvəl bütün meyvələrin qiyməti qalxsa da, artıq köhnə qiymətlə stabilləşib. Portağal bayram qabağı bahalaşsa da, bu gün kilosu 1. 60 qəpikdən satılır.

 

Xaricdən gətirilən meyvələrin də qiyməti ilə də maraqlandıq. Manat ucuzlaşandan əvvəl 2.10 manata alınıb. Sonra 2.20-yə qalxıb. 2-3 gün bundan əvvələ qədər 2.40 manat olub. Ananasın alıcısı çox olmadığından qiyməti dəyişməyib.

 

Mövsüm bitdiyi üçün naringinin qiymətində də artım olub. Bazarda əsasən yerli naringi satılır. Tələbat da yerli maladır. Topdan 1.70-ə alınıb, 2 manata satılır. İsmayıllı “Qızıl Əhməd” almasının da qiyməti qalxıb. Yerli məhsulun qiymətindəki artımı ... yol xərcləri və gündəlik tələbat mallarının bahalaşması ilə əlaqələndirdilər.

 

Satıcılar mərci, düyü, lobyanın da qiymətində artım olmadığını deyir.

 

Bazarda alıcılıqdan razı olan bəlkə də yeganə satıcı Sahibdir. Göbələk satışından razıdır. Qiymətlər də, alıcılıq da əvvəl necə idisə, indi də o cür qalır. Marketlərdə od qiymətinə satılan şampinyon göbələyinin kilosu 2-2.50 manat arasındadı. Dil-ağız eləyib, hətta daha ucuz da almaq olar.

 

Qışın əsas sevimli qidası turşudur. Yeməyin yanında əla gedir. Yaxşı ki, turşuların qiymətində də artım olmayıb. Ehtiram deyir ki, kələmi, pomidoru, xiyarı özü becərib:

 

- Gördüyünüz bu turşuların heç birinə pul verib almamışam. Yerli istehsaldı. Qusarda əkib-becərmişik, duzlamışıq. Ona görə də, qiymətlərində artım etmədik. Həm cibə xeyirdi, həm cana. Taxta küpələrdə qoymuşuq. Dükanlarda satılanlar necə hazırlanır, bilmirik. Buna baxmayaraq, yenə də alan yoxdu. Əvvəl gün ərzində xeyli alver edərdik. İndi səhərdən bu yana çox az turşu satmışam.

 

Kələm, xiyar və kal pomidor turşusunun kilosu 1.50 manatdan satırlar. Əgər 3 kilodan artıq alsanız, kilosunu 1 manatdan verirlər.

 

“8-ci km bazarı”na getsəniz, sizə bir məsləhət verim. Mütləq Vahid müəllimlə görüşün. Məzəli söhbəti var. Tələbəlik illərindən danışacaq, üstündən də öz şeirlərindən deyəcək. Xarici Dillər Universitetini bitirib. Novruz Məmmədovun sevimli tələbəsi olub. Uzun müddət “İnturist”də tərcüməçi işləyib. Təqaüdə çıxandan gündüzlər bazarda alver edir, axşamlar abituriyent hazırlayır. İki xarici dil bilir: İngilis və fransız. Elə bizi də hər iki dildə salamladı. Göylərin qiymətindən başlayıb, tələbə illərinə qədər danışdı. Tələbəlik illəri bizə qalsın, göyün qiymətlərində dəyişiklik etməyib. Əvvəl necə idisə, bu gün də eyni qiymətə satır.

 

Marketlərdən fərqli olaraq, bazarda hər qiymətə məhsul var. Bahalısı da, ucuzu da. Əksəriyyəti də yerli. Üstəlik də bazarda qiymət endirimi var. Dədə - babadan olduğu kimi...




















RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

UNEC-dən magistrlərə Avropa diplomu qazanmaq imkanı

26 İyul 2017 10:49

Diqqət: Bakıda tək olan bu müalicə üsulu ilə... - VİDEO

26 İyul 2017 10:48

Gündən-günə arıqlayan Aygün Kazımova SON HALI ilə TƏƏCCÜBLƏNDİRDİ - FOTO

26 İyul 2017 10:48

Rabitəçilərin hökmü sabaha qaldı

26 İyul 2017 10:44

Suriya yenə qan gölünə döndü

26 İyul 2017 10:43

“SOCAR Ukraine” “Tengizchevroil” şirkətindən maye qaz alıb

26 İyul 2017 10:42

Bakının şüşəsilən alpinistləri

26 İyul 2017 10:42

“Sumqayıt Dəmir Beton-1” səhmdarlarına hesabat verəcək

26 İyul 2017 10:42

Bakıda qonşunun atdığı siqaret az qala bir mənzili kül edəcəkdi - VİDEO

26 İyul 2017 10:42

Məzarlıqda tunel tapıldı

26 İyul 2017 10:41

Futbolçudan boşanan model özünə yeni sevgili tapdı

26 İyul 2017 10:40

Bakıda faciə: araqdan zəhərlənib öldü

26 İyul 2017 10:39

Şərqin yeni vahiməsi: İŞİD-dən də təhlükəli terror təşkilatı yarandı

26 İyul 2017 10:38

"Neftçi"dən ayrılan Gürcüstan millisinin futbolçusu "SKA-Xabarovsk" klubu ilə müqavilə bağlayıb

26 İyul 2017 10:37

Böyük akkumulyator tutumlu smartfon nümayiş olunub

26 İyul 2017 10:35

Burak Özçivitlə Fahriye Evcen toydan sonra İLK DƏFƏ - FOTO

26 İyul 2017 10:33

"Roma" "Tottenhem"dən üstün oldu - VİDEO

26 İyul 2017 10:32

Neftçalada itkin düşən abituriyentdən XƏBƏR VAR

26 İyul 2017 10:32

IV qrupda ixtisas seçimi zamanı nələrə diqqət yetirməli?

26 İyul 2017 10:27

Ermənistan silahlı qüvvələri atəşkəsi yenidən pozdu

26 İyul 2017 10:23

Sevda dəyişib belə oldu - FOTOlar

26 İyul 2017 10:22

Ağcaqanad dişləyən yerə bunu sürtün

26 İyul 2017 10:22

50 min adam işıqsız qaldı

26 İyul 2017 10:18

Moody's agentliyi Kapital Bank-ın reytinqini təsdiqlədi

26 İyul 2017 10:17

"Sumqayıt" aşağı liqa klubuna uduzdu - VİDEO

26 İyul 2017 10:17

ABŞ Ermənistana maliyyə yardımını 3 dəfədən çox azaldıb

26 İyul 2017 10:17

Gəlini döyüb, saçını qırxdılar

26 İyul 2017 10:15

Elmdə müdhiş sıçrayış: bakteriyalarla işləyən mühərrik ixtira edildi

26 İyul 2017 10:13

Bakıda "Mercedes" yandı

26 İyul 2017 10:12

Beynəlxalq əmtəə, fond və valyuta bazarlarının əsas göstəriciləri (26.07.2017)

26 İyul 2017 10:12

Azərbaycanlı cüdoçu Avropa Olimpiya festivalında medal qazanıb

26 İyul 2017 10:12

“Moody's” “Kapital Bank”ın reytinqini təsdiqləyib

26 İyul 2017 10:12

Bakıda qayda-qanun tanımayan avtobus sürücüləri - FOTO

26 İyul 2017 10:12

“Hyundai Motors”da İFLAS TƏHLÜKƏSİ

26 İyul 2017 10:08

Kökənin içinə öz südünü qatdı, şagirdlərə satdı

26 İyul 2017 10:08

Cəbhədən XƏBƏR VAR

26 İyul 2017 10:05

Salyanda 4 otaqlı ev yandı

26 İyul 2017 10:05

Salyanda 4 otaqlı ev yandı

26 İyul 2017 10:05

Cəbhədəki son vəziyyət

26 İyul 2017 10:01

Çin sular altında qaldı - Sakinlər təxliyə olunur

26 İyul 2017 09:57

Ermənilər atəşkəs rejimini 128 dəfə pozub

26 İyul 2017 09:57

Paytaxtda "Mercedes" yandı

26 İyul 2017 09:56

24 azyaşlı qızla nikaha girən 145 uşaq atasına 5 il HƏBS CƏZASI

26 İyul 2017 09:53

Hadisə şəxsi həyatı haqqında sirlərini açdı: “Ehtirasını mənimlə yaşaya bilən bir kişidən...” - FOTO

26 İyul 2017 09:53

Azərbaycan nefti bahalaşdı

26 İyul 2017 09:52

"Əylənmək üçün toy etdik" - Burak Özçivit

26 İyul 2017 09:47

Makedoniyadakı zəlzələdə 1100 insan ölüb

26 İyul 2017 09:45

Şəki halvası haqda süjet dünyaya yayımlandı

26 İyul 2017 09:43

Bakının mərkəzi prospektində qəza: tıxac yarandı

26 İyul 2017 09:42

Azərbaycan nefti 3% bahalaşıb

26 İyul 2017 09:42