Aktual mövzular: Dollar alış-satışı , Hava haqqında, Məzənnə, Neftin qiyməti

Köçkünlər komitəni saymadılar?

Köçkünlər komitəni saymadılar?

Date: 15 January 2016 14:27

Ötən il Qaçqınların və Məcburi Köçkünlərin İşləri üzrə Dövlət Komitəsi məcburi köçkünlərə xəbərdarlıq edərək, istifadə etmədikləri evlərdən çıxmalarını tələb edib.

Xəbərdarlıqda bildirilirdi ki, bəzi məcburi köçkünlər əvvəllər köçürmə obyektlərində yaşadıqlarını və orada müvəqqəti qeydiyyatda olduqlarını bəhanə edərək, yuxarı instansiyalara mütəmadi müraciət edərək onlara yeni mənzillərin verilməsini təkidlə tələb ediblər. Lakin bir müddət keçdikdən sonra onların həmin mənzillərdən istifadə etmədikləri, mənzillərin boş qaldığı məlum olub.

Dövlət Komitəsi bu halların qarşısını almaq üçün məcburi köçkünlərə 10 gün ərzində mənzilləri təhvil verməyi tələb edib. 

Bildirilib ki, bu müddətində həmin mənzillərdə yaşayışı təmin etməsələr və yaxud təhvil verməsələr, onlara yemək xərci müavinətləri, kommunal xidmətlərə (elektrik enerjisi, qaz, su) görə ödənişlər müvəqqəti dayandırılacaq və mənzillərdə yaşayış bərpa edildikdən və ya təhvil verildikdən sonra ödənişlər bərpa olunacaq.

Komitənin ötən ilin noyabr ayında etdiyi xəbərdarlıqdan iki ay keçsə də, məcburi köçkünlər istifadə etmədikləri mənzilləri təhvil verməyiblər.

Bununla bağlı işlərin nə yerdə olduğunu öyrənmək üçün Qaçqınların və Məcburi Köçkünlərin İşləri üzrə Dövlət Komitəsi ilə əlaqə saxladıq. 

Milli.Az bildirir ki, qurumun mətbuat xidmətinin rəhbəri Elçin Qədimov AzVision.az-a açıqlamasında bu məsələ ilə bağlı komitədə məlumatın olmadığını deyib.

Köçkünlərin sözlərinə görə, yeni yaşayış komplekslərində istifadə olunmayan, hətta kirayə verilən onlarla ev var. Bildirilib ki, komitə bu məsələ ilə bağlı mətbuat vasitəsilə xəbərdar etsə də, istifadə olunmayan evlər boşaldılmayıb, problem hələ də qalmaqdadır. 

Milli.Az


Tags:  Köçkünlər komitəni saymadılar


RƏYLƏR


Top news