Aktual mövzular: Dollar alış-satışı , Hava, Məzənnə, Neftin qiyməti

Yevlax rayonunun 200-ə yaxın sakininə mülkiyyətə dair çıxarış verilib

Yevlax rayonunun 200-ə yaxın sakininə mülkiyyətə dair çıxarış verilib

Yevlax və ətraf rayonlardan olan sahibkarlara 790 min manat güzəştli kredit verilib (02 Mart 2017 19:27)
Yevlax yun zavodunun nizamnaməsi dəyişdiriləcək (22 Fevral 2017 09:07)
Bakıda evdən 55 min manatlıq qızıl oğurlanıb (21 Fevral 2017 11:59)

Tarix: 15 Yanvar 2016 15:22

Bakı. 15 yanvar. REPORT.AZ/ Əmlak Məsələləri Dövlət Komitəsi (ƏMDK) yanvarın 15-də Yevlaxda “Kütləvi çıxarış” kampaniyası keçirib.
Komitədən “Report”a verilən məlumata görə, sosial əhəmiyyətli kampaniya çərçivəsində rayon sakinlərinə bilavasitə yerlərdə və ünvanlarda evlər, mənzillər, torpaqların qeydiyyatına dair operativ xidmətlər göstərilib. Bu xidmətlər dövlət reyestrindən çıxarışların təqdim olunması və ilkin mülkiyyət sənədlərinin qəbulunu əhatə edib.
Məlumata görə, Yevlax rayonunun bir neçə kəndindən olan 200-ə yaxın sakin ərazi idarəsinə getmədən komitənin mobil ofisləri vasitəsilə çıxarış əldə ediblər. Eyni zamanda 100-ə yaxın vətəndaşdan onların mülkiyyətinə dair ilkin sənədlər qəbul olunub. 
Belə ilkin mülkiyyət sənədlərinə “Daşınmaz əmlakın dövlət reyestri haqqında” qanun qüvvəyə minən tarixədək vətəndaşlara verilən aktlar, şəhadətnamələr, qeydiyyat vəsiqələri, mənzillər barədə orderlər, kolxoz və sovxozların vaxtilə verdikləri əmrlər və digərləri aiddir.
Bundan başqa, komitə bu ildən kampaniya daxilində yeni aksiyaya da start verib. Belə ki, kampaniya çərçivəsində ƏMDK hüquqi yardım aksiyası keçirir. Qurumun hüquqşünasları kampaniyada iştirak edən vətəndaşlara evlər, mənzillər, torpaqlara çıxarış və texniki pasport, yüklülük və digər arayışların alınması, qeydiyyat üçün zəruri ilkin sənədlər, çatışmayan sənədlərin əldə olunması, uyğunsuzluqların aradan qaldırılması, dövlət rüsumu və xidmət haqları, qeydiyyat proseduru və mərhələləri ilə bağlı hüquqi izah və istiqamət veriblər.
Qeyd edək ki, yalnız ötən il bu kampaniya 16 şəhər və ya rayonda həyata keçirilib. Bugünədək ümumilikdə 6000-dən çox vətəndaş bu kampaniyadan faydalanıb.



Teqlər:  Yevlax rayonunun 200-ə yaxın sakininə mülkiyyətə çıxarış verilib



RƏYLƏR


Top xəbərlər