"Sumqayıt"ın əvəzedici komandası 19 yaşadək milli komandamızla yoxlama oyunu keçirib.
Fanat.az xəbər verir ki, "Dalğa Arena"da baş tutan qarşılaşma 2:2 hesablı heç-heçə ilə yekunlaşıb. "Sumqayıt"ın heyətində Emil Həsənzadə və Orxan Quliyev fərqlənib.
Rövşən Babayevin rəhbərlik etdiyi komanda təlim-məşq toplanışı çərçivəsində yanvarın 16-da növbəti yoxlama oyununu keçirəcək. Komanda I divizion təmsilçisi "Qaradağ Lökbatan"ı qəbul edəcək. "Kapital Bank Arena"da baş tutacaq görüş saat 13.30-da başlayacaq.
Fanat.az