Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

​Azərbaycan diaspor təşkilatının rəhbəri ABŞ-da yüksək vəzifəyə seçilib

​Azərbaycan diaspor təşkilatının rəhbəri ABŞ-da yüksək vəzifəyə seçilib

Date: 15 January 2016 17:57

Bakı. 15 yanvar. REPORT.AZ/ ABŞ-dakı Azərbaycan diasporunun ən fəal nümayəndələrindən biri olan ABŞ Azərbaycanlıları Şəbəkəsinin (US Azeris Network) və "Qarabağ" Fondunun İdarə heyətinin rəhbəri və həmtəsisçisi, Dünya Azərbaycanlıları Əlaqələndirmə Şurasının üzvü Adil Bağırov Ohayo ştatının Dayton şəhərində Təhsil Şurasının rəhbəri seçilib. Bu barədə "Report"a Diasporla İş üzrə Dövlət Komitəsinin (DİDK) mətbuat xidmətindən məlumat verilib.
Komitədən bildirilib ki, Amerika Birləşmiş Ştatlarında rəsmi dövlət vəzifəsinə seçilmiş ilk azərbaycanlı olan Adil Bağırovun rəhbərlik edəcəyi Təhsil Şurası ABŞ-da ən nüfuzlu ictimai qurumlardan biri hesab olunur. Qurum 14 min şagirdin təhsil aldığı 30 məktəbə və bu təhsil ocaqları üçün ayrılmış 500 milyon dollarlıq büdcənin icrasına nəzarət edir.
Seçim zamanı çıxış edən Adil BağırovTəhsil Şurasının rəhbəri vəzifəsinə seçilməsindən qürür hissi duyduğunu və ona olan inamvə etibarı doğruldacağını bildirib. Qeyd edək ki, Adil Bağırov 2013-cü ildə Ohayo ştatının Deyton şəhərinin Təhsil Şurasına üzv seçilib.
50-dən artıq elmi məqalənin muəllifi olan Adil Bağırov, eyni zamanda, Amerika Azərbaycanlıları Şəbəkəsinin rəhbəri, fəal diaspor nümayəndəsidir. 2011-ci il iyulun 4-də Azərbaycan Respublikası Prezidentinin Sərəncamı ilə xalqlar arasında dostluğun mohkəmləndirilməsi və Azərbaycan diasporunun inkişafı sahəsindəki xidmətlərinə gorə “Tərəqqi” medalı ilətəltif olunub.

Tags:  Azərbaycan diaspor təşkilatının rəhbəri ABŞ-da yüksək vəzifəyə seçilib

RƏYLƏR


Top news