Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Dindarlar İlham Əliyevin çağırışına vəhdət namazı ilə cavab verdi

Dindarlar İlham Əliyevin çağırışına vəhdət namazı ilə cavab verdi

Date: 15 January 2016 18:57

Bu gün Azərbaycan prezidenti İlham Əliyev tərəfindən elan edilən “Multikulturalizm ili” çərçivəsində bu gün Bakıdakı Heydər məscidində məzhəbindən asılı olmayaraq bütün müsəlmanlar ilk dəfə bir araya gələrək eyni vaxtda bir yerdə bir sırada vəhdət namazı qılıblar.

ANS PRESS-in məlumatına görə, min ildən artıqdır, İslam dininin iki böyük məzhəbi - sünni və şiələr ibadətlərini fərqli şəkildə fərqli məkanda yerinə yetiriblər.

Heydər məscidində Heydər Əliyevin vəfatının ildönümündən başlayaraq sünni və şiə məzhəbinin nümayəndələri vəhdət namazı qılırlar. Məsciddə cümə namazları növbəli şəkildə, bir həftə əhli-sünnənin imamı, növbəti həftə əhli-şiənin axundunun rəhbərləri ilə qılınır.

Heydər məscidinin dini rəhbəri Hacı Sabir Həsənli bildirib ki, ən fərəhli hal Azərbaycan təcrübəsində və ümumiyyətlə, dünya təcrübəsində vəhdət namazının ən sevimli namaz olduğunu göstərmək: “Bu, Allah qarşısında ən qəbula yetən namazdır. Çünki Allah Qurani-Kərimdə bizi bir olmağa, təfriqəyə yol verməməyə çağırır. Bu nöqteyi-nəzərdən müxtəlif məzhəblərdən olmasına baxmayaraq, insanlarımızın eyni məsciddə namaz qılması çox fərəhli haldır. Hər iki məzhəbin bir məsciddə, bir səfdə dayanaraq namaz qılması çox böyük göstəricidir”.


Heydər məscidi

Məsciddə şəhidlərimizin ruhuna dualar, israf və qənaət haqqında xütbə oxunub.

Heydər məscidi Qafqazda ən böyük məsciddir. Minarələrinin hündürlüyü 95 metrdir. Demək olar ki, dünya ölkələrinin çoxunda bu hündürlükdə minarələr yoxdur. Gördüyünüz kimi, burada dörd minarə var və hamısında lift işləyir. Bundan əlavə, ibadət salonları da böyükdür. Burada təxminən 5000-7000 nəfər eyni vaxtda ibadət edə bilər. Heydər məscidi bir məsələdə də yeganədir. Burada digər məscidlərdə olan kimi nəzir qutuları yoxdur. Dünyanın əksər məscidlərində nəzir qutuları qoyulub. Lakin belə razılığa gəldik ki, bu məsciddə nəzir qutusu olmasın. İşçilərin maaşları Bakı Şəhər İcra Hakimiyyəti tərəfindən ödənilir.

Dövlət başçısı 2016-cı ilin Azərbaycanda “Multikulturalizm ili” elan olunması haqqıdna sərəncam da imzalayıb.

Tags:  Dindarlar İlham Əliyevin çağırışına vəhdət namazı cavab verdi


RƏYLƏR


Top news