Aktual mövzular: Dollar alış-satışı , Hava haqqında, Məzənnə, Neftin qiyməti

Qobustan Regional Təlim Mərkəzində təlim kursu keçirilib

Qobustan Regional Təlim Mərkəzində təlim kursu keçirilib

Date: 15 January 2016 19:42

Bakı. 15 yanvar. REPORT.AZ/ 2015-ci ilin dekabr və 2016-cı ilin yanvar ayında Azərbaycan Dövlət Neft Şirkətinin (SOCAR) Təlim, Tədris və Sertifikatlaşdırma İdarəsinin Qobustan Regional Təlim Mərkəzində Şotlandiyanın Aberdin Qazma Məktəbinin təşkilatçılığı ilə “Qazma zamanı təzahür və atqıların qarşısının alınması” mövzusunda kurs keçirilib.
"Report" SOCAR-ın mətbuat xidmətinə istinadən xəbər verir ki, təlim Kompleks qazma işləri trestinin 3 qrupdan ibarət 29 nəfərlik mühəndis-texniki heyəti üçün keçirilib.
"Beynəlxalq Qazma Podratçıları Assosiasiyası tərəfindən akkreditə edilmiş təlim kursu mühəndis-texniki heyətə zəruri bilik və vərdişlərin aşılanması yolu ilə qazma əməliyyatlarının daha təhlükəsiz və səmərəli yerinə yetirilməsinə yönəlib. Kursda xüsusi tədris metodikası vasitəsi ilə təzahür və atqının səbəbləri, təzahürlərin əlamət və göstəriciləri, quyunun hermetikləşdirmə üsulları, quyunu boğmaq üçün lazımi məlumatlar, boğma, atqıya qarşı avadanlıq, trenajordan istifadə qaydaları dinləyicilərin diqqətinə çatdırılıb"-, məlumatda qeyd olunub.






Tags:  Qobustan Regional Təlim Mərkəzində təlim kursu keçirilib

RƏYLƏR


Top news