Birləşmiş Ərəb Əmirliyi (BƏƏ) Rusiyanın "Rostov" futbol klubunun hücumçusu 21 yaşlı İran vətəndaşı Sərdar Azmuna əmirliyə getmək üçün viza verməyib.
Milli.Az report-a istinadən bildirir ki, bu haqda klubun rəsmi saytında məlumat yayılıb.
Məlumata görə, "Rostov" əmirlikdə təlim-məşq toplantısı keçirəcək. Ancaq BƏƏ ilə İran arasındakı mövcud diplomatik gərginlik səbəbindən İran əsilli fubolçunun təlim-məşq toplantısına getməsində problem yaranıb.
Xəbərdə bildirilib ki, klub məsələnin tezliklə həll edilməsi üçün bütün imkanlardan istifadə edir.
Məlumata görə, Sərdar Azmun hazırda müstəqil şəkildə məşq edir.
Milli.Az