Aktual mövzular: Dollar alış-satışı , Hava haqqında, Məzənnə, Neftin qiyməti

Müdafiə Nazirliyi mətbuat xidmətinin sabiq rəisinin oğlu barəsində həbs qətimkan tədbiri seçildi

Müdafiə Nazirliyi mətbuat xidmətinin sabiq rəisinin oğlu barəsində həbs qətimkan tədbiri seçildi

Date: 15 January 2016 21:28

Bakı. Trend:

Prokurorluq orqanlarından xaric edilmiş Rüfət Səfərovun barəsində Binəqədi rayon məhkəməsinin qərarı ilə 4 ay müddətinə həbs qətimkan tədbiri seçilib. Bu barədə Trend-ə Baş Prokurorluğun mətbuat xidmətinin rəhbəri Eldar Sultanov məlumat verib.

Qeyd edək ki, R.Səfərov barəsində Baş prokuror yanında Korrupsiyaya Qarşı Mübarizə Baş İdarəsində Cinayət Məcəlləsinin 311-ci (rüşvət alma) maddəsi ilə cinayət işi başlanıb.

R.Səfərov bir müddət əvvəl “Prokurorluq haqqında” Azərbaycan Respublikası Qanununun 34-cü və “Azərbaycan Respublikası Prokurorluğu işçilərinin etik davranış Kodeksi”nin 30 və 31-ci maddələrinin tələblərini kobud surətdə pozaraq prokurorluq orqanlarında prokuror və ya müstəntiq vəzifəsi ilə bir araya sığmayan hərəkətlərə yol verdiyinə görə prokurorluq orqanlarından xaric olunub.

Xatırladaq ki, R.Səfərov Müdafiə Nazirliyinin mətbuat xidmətinin keçmiş rəisi Eldar Sabiroğlunun oğludur.

Bizi Twitter-dən izləyin: @trend_az


Tags:  Müdafiə Nazirliyi mətbuat xidmətinin sabiq rəisinin oğlu barəsində həbs qətimkan tədbiri seçildi


RƏYLƏR


Top news