Aktual mövzular: Dollar alış-satışı , Hava haqqında, Məzənnə, Neftin qiyməti

Türkmənistanda siqaret satışı qadağan olundu

Türkmənistanda siqaret satışı qadağan olundu

Date: 16 January 2016 04:19

Türkmənistanda tütün məmulatlarının satışı ilə mübarizə çərçivəsində dövlət səviyyəsində aparılan kampaniyadan sonra siqaretlər satışdan yığışdırılıb. "Report" xəbər verir ki, bu barədə yerli "Türkmənistan xronikası" nəşri yazıb.

Məlumata görə, paytaxt Aşqabadda sağlam cəmiyyətin mühafizəsi üzrə xidmətin əməkdaşları satış obyektlərində yoxlama aparıblar və sahibkarları tütün məmulatları satışına görə on minimal əmək haqqı qismində (1700 dollar) cərimə ediləcəkləri ilə hədələyiblər.

Nəşr yazır ki, bundan sonra satıcılar siqareti gizli və yalnız tanışlarına satmağa başlayıblar. Bununla belə siqaretin qiyməti 1,5–2 dəfə artıb.

Yanvarın 5-də hökumətin iclası zamanı prezident Qurbanqulı Berdiməhəmmədov sağlam cəmiyyətin təhlükəsizliyi mühafizəsi xidmətinin işini tənqid edib və siqaret çəkməklə sərt mübarizə aparmağa çağırıb.


Tags:  Türkmənistanda siqaret satışı qadağan olundu

RƏYLƏR


Top news