Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Nar şirəsini üzünüzə çəksəniz…

Nar şirəsini üzünüzə çəksəniz…

Date: 16 January 2016 07:47

Qədim zamanlardan bəri gözəlləşmək istəyənlər nar şirəsindən istifadə edib. Çünki nar şirəsi dərini cavanlaşdırır, onun daha ağ və qüsursuz görünməyini təmin edir. Ancaq daha effektli təsir üçün nar şirəsini üzə çəkmək lazımdır.

Milli.Az publika.az-a istinadən narın dəriyə faydalarını və ondan istifadə qaydalarını təqdim edir:
 
Nar antioksidantlarla zəngin olduğu üçün dəridəki yaşlanma əlamətlərini aradan qaldırır. Tərkibindəki B5 ve C vitaminləri sayəsində dərini qoruyur.
 
Nar şirəsi və narın tumlarından əldə edilən yağ dəri hüceyrələrini yeniləyir. Həmçinin, dərini günəşin ultrabənövşəyi şüalarından qoruyur.
 
Nar həm bakteriyalar, həm həzm sistemində yaranan problemlər, həm də hormonların balansının pozulması səbəbindən yaranan sızanaqları aradan qaldırır.
 
Bunun üçün gündə 1 stəkan nar şirəsi içmək, həmçinin üzü gündə 2 dəfə nar şirəsinə batırılmış pambıqla silmək lazımdır. Nar şirəsi sızanaqları sağaltmaqla yanaşı, sızanaq ləkələrini də aradan qaldırır.
 
Təzə narla dəriyə qulluq etmək istəyirsinizsə, onun qabığını təmizləyin. Nar dənələrini mikser vasitəsilə lapa halına gətirin. Əldə etdiyiniz maskanı üz və boyun bölgəsinə çəkin. 20-25 dəqiqə gözləyib ilıq su ilə üzünüzü təmizləyin. Narın faydasını görmək üçün bu maskanı 2-3 həftə hər gün çəkməlisiniz.

Milli.Az


Tags:  Nar şirəsini üzünüzə çəksəniz

RƏYLƏR


Top news