Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Şengen zonası ləğv olunsa avronun mənası itəcək"

"Şengen zonası ləğv olunsa avronun mənası itəcək"

Date: 16 January 2016 08:17

Avropa İttifaqına üzv olan ölkələr yaranan problemləri birlikdə həll etmək əvəzinə, sərhədlərini möhkəmləndirirlər. Bu isə Şengen razılaşması və Avropa İttifaqının bir qurum kimi mövcudluğuna təhlükə yaradır.

Milli.Az APA-ya istinadən xəbər verir ki, bunu Avropa Komissiyasının prezidenti Jan-Klod Yunker bəyan edib.
 
"Şengen zonası ləğv olunsa, işçi qüvvəsi və ümumilikdə avropalıların azad hərəkəti prinsipinə riayət edilməsə, avro vahid valyuta kimi mənasını itirəcək", deyə J-K. Yunker bildirib.
 
2016-ci ilin prioritet məsələlərindən söhbət açan J-K. Yunker deyib ki, hazırda İtaliya və Yunanıstanda məskunlaşan qaçqınların Avropa İttifaqı ölkələrində bölgüsünə dair məsələ gündəmdə olaraq qalır.  "Şəxsən mən Avropanın problemlərini milyonlarla qaçqını qəbul edən ölkə rəhbərlərinə izah edəndə xəcalət çəkirəm", deyə Avropa Komissiyasının prezidenti vurğulayıb.
 
Xatırladaq ki, Aİ ötən ilin sentyabrında səs çoxluğu ilə sığınacaq istəyən qaçqınların Yunanıstan və İtaliyadan çıxarılaraq Avropa ölkələrində yerləşdirilməsi barədə qərar qəbul edib.

Milli.Az


Tags:  Şengen zonası ləğv olunsa avronun mənası itəcək

RƏYLƏR


Top news