Aktual mövzular: Dollar alış-satışı , Hava haqqında, Məzənnə, Neftin qiyməti

​Qazaxıstan millisinin yeni baş məşqçisi yanvarın sonunda müəyyənləşəcək

​Qazaxıstan millisinin yeni baş məşqçisi yanvarın sonunda müəyyənləşəcək

Date: 16 January 2016 10:57

Bakı 16 yanvar. REPORT.AZ/ Martın 21-də Türkiyənin Antalya şəhərində start götürəcək təlim-məşq toplanışında futbol üzrə Azərbaycan millisinin yoxlama görüşündə rəqibi olacaq Qazaxıstan yığmasının baş məşqçisinin adı bu ayın sonunda məlum olacaq. "Report"un məlumatına görə, bu barədə Qazaxıstan Futbol Federasiyası məlumat yayıb.
Məlumatda bildirilib ki, dekabrın 28-dən azarkeşlər arasında millinin yeni baş məşqiçisi ilə bağlı səsvermə keçirilib. Səsvermə yanvarın 15-də başa çatıb. İlk mərhələdə azarkeşlər milli komandada yerli, yoxsa əcnəbi mütəxəssisin olmasına dair sualı cavablandırıblar. 18 gün davam edən səsvermədə 1755 nəfər əcnəbi, 845 nəfər isə milli komandanın başında yerli mütəxəssis görmək istəyib.
Qeyd edək ki, Robert Prosineçkinin rəhbərlik etdiyi Azərbaycan millisi martın 27-dək Antalyada toplanışda olacaq. Ayın 26-da Azərbaycan və Qazaxıstan milliləri yoxlama görüşü keçirəcəklər.

Tags:  Qazaxıstan millisinin yeni baş məşqçisi yanvarın sonunda müəyyənləşəcək

RƏYLƏR


Top news