Aktual mövzular: Dollar alış-satışı , Hava haqqında, Məzənnə, Neftin qiyməti

Cinayətkardan 101 milyon dollar tələb olunur

Cinayətkardan 101 milyon dollar tələb olunur

Date: 16 January 2016 11:01

Cohar Tsarnayev Bostonda terror aktı nəticəsində zərərçəkənlərə kompensasiya ödəməyə məcbur edilib.

ANS PRESS-in məlumatına görə, ABŞ məhkəməsi Boston marafonunda terror aktına görə edama məhkum edilmiş Cohar Tsarnayevi bu partlayışlarda xəsarət alanlara və həlak olanların qohumlarına 101 milyon dollar (158 630 600AZN) ödəməyə məcbur edilib. Məhkum kompensasiya məbləğini 49 zərərçəkənə və kompensasiya fonduna göndərməlidir.

Bundan başqa, məhkəmə cinayətkarın işinə yenidən baxılmasına icazə verməyib. Tsarnayevin vəkillərinin fikrincə, terror aktı baş verən Boston şəhəri, onların fikrincə, ədalətli və qərəzsiz məhkəmə üçün uyğun deyil.

2015-ci ilin iyun ayında Boston məhkəməsində hakim qərarını açıqlamamışdan əvvəl Tsarnayev ilk dəfə olaraq, terror aktının qurbanları və qohumlarına müraciət edərək, törətdiyi əməldən təəssüf hissi keçirdiyini vurğulayıb.


Boston, ABŞ


Boston marafonunda terror aktı 2013-cü ildə baş verib. Törədilən partlayışlar nəticəsində 3 nəfər ölüb, 180-dən çox adam yaralanıb. ABŞ prezidenti Barak Obama Boston marafonunda baş vermiş qanlı partlayışların terror aktı olduğunu təsdiqləyib.


Barak Obama - ABŞ prezidenti


Terror aktlarını törətməkdə şübhəli bilinən və yaralı olaraq ələ keçirilən Cohar Tsarnayev özünə gəldikdən sonra ifadə verərək, hadisənin onun tərəfindən törətdiyini boynuna alıb. O, müstəntiqlərin suallarına boğazından yaralandığı üçün yazılı cavab verib.

19 yaşlı Cohar Tsarnayev ələ keçirildiyi əməliyyat zamanı boğazından yaralandığı üçün onun həmişəlik səsini itirə biləcəyi də bildirilib. Digər şübhəli şəxs - Cohar Tsarnayev böyük qardaşı Tamerlan da ələ keçirilərkən yaralı olduğundan xəstəxanada keçinib.


Cohar Tsarnayev - hadisəni törədən



Tags:  Cinayətkardan 101 milyon dollar tələb olunur


RƏYLƏR


Top news