Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Deputat: Yerli məhsullarda yuxarı qiymət həddi müəyyən edilməlidir

Deputat: Yerli məhsullarda yuxarı qiymət həddi müəyyən edilməlidir

Date: 16 January 2016 11:33

Bakı. Azad Həsənli - Trend:

Azərbaycanda yerli məhsullarda yuxarı qiymət həddi müəyyən etmək lazımdır. Bunu Trend-ə Milli Məclisin deputatı Fuad Muradov deyib.

Onun sözlərinə görə, dünya təcrübəsində ən vacib məhsulların qiymətinin yuxarı həddini müəyyən etmək normal qarşılanır:

“Misal üçün dövlət məhsullar üzrə 10 faizə qədər marja müəyyən edə bilər və əgər sahibkar məhsulun qiymətini bu həddən yuxarı müəyyən edərsə, bu halda qanunvericilikdə nəzərdə tutulumuş qaydada tədbirlər görülə bilər”.

İdxal olunan məhsullara gəlincə isə, deputat hesab edir ki, bu məhsulların qiymətinə nəzarət edəcək monitorinq qrupunun uaradılmasına ehtiyac var: “Regionlarda icra hakimiyyəti başçılarının rəhbərliyi ilə monitorinq qruplarının yaradılması lazımdır. Bu yolla hazırda məhsulların qiymətlərinə nəzarət etmək olar”.

F.Muradov həmçinin sahibkarlığın stimullaşdırılmasının vacibliyini vurğulayıb: “Bir sıra istiqamətlər var ki, dövlət burada həm sahibkarlara, həm də distribyutor fəaliyyəti ilə məşğul olan şirkətlərə dəstək göstərə bilər”.

Bizi Twitter-dən izləyin: @trend_az


Tags:  Deputat Yerli məhsullarda yuxarı qiymət həddi müəyyən edilməlidir

RƏYLƏR


Top news