Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

“Nar” beynəlxalq innovasiya müsabiqəsinin tərəfdaşıdır

“Nar” beynəlxalq innovasiya müsabiqəsinin tərəfdaşıdır

Date: 16 January 2016 12:03

Bakı. Trend:

“Microsoft Imagine Cup” müsabiqəsinə qatılan komandalar ilə hazırlıq görüşü keçirildi.

Şirkətdən Trend-ə verilən məlumata görə, Təhsil nazirliyi, “Microsoft Azerbaijan”, “Nar” və Yüksək Texnologiyalar Parkı tərəfindən dəstəklənən “Microsoft Imagine Cup” müsabiqəsi dünya tələbələri arasında hər il keçirilən ən genişmiqyaslı innovasiya müsabiqələrindən biri sayılır. Bu il müsabiqənin milli seçim turuna 11 universiteti təmsil edən 20-dən çox komanda qatılıb.

Müsabiqədən öncə komandaların iştirakı ilə keçirilmiş hazırlıq görüşündə müsabiqənin əsas şərtləri bir daha qeyd edildi, tələbələrə faydalı məsləhətlər verildi, suallar mütəxəssislər tərəfindən ətraflı cavablandırıldı.

Qeyd edək “Microsoft İmagine Cup” müsabiqəsində tələbələrindən ibarət komandalar üç kateqoriya üzrə – “İnnovasiya”, “Dünya vətəndaşlığı” və “Oyunlar” nominasiyaları üzrə yarışacaqlar. Müsabiqədə iştirak etmək üçün “Microsoft” platforması üzərində innovativ proqram layihəsi, müasir dövrün problemlərini həll edən tətbiqin prototipi və ya orijinal oyun hazırlamaq lazım idi.

Hər zaman təhsil və innovasiyaların, elm və mədəniyyətin inkişafına xüsusi önəm vermiş “Nar” özünün korporativ sosial məsuliyyət strategiyası çərçivəsində “Microsoft Imagine Cup” innovasiya müsabiqəsinin milli seçim turuna dəstək verməkdədir.

Bizi Twitter-dən izləyin: @trend_az


Tags:  Nar beynəlxalq innovasiya müsabiqəsinin tərəfdaşıdır

RƏYLƏR


Top news