Aktual mövzular: Dollar alış-satışı , Hava, Məzənnə, Neftin qiyməti

“Zirvə”nin kolbasalarında xəstəlik törədici tapıldı

“Zirvə”nin kolbasalarında xəstəlik törədici tapıldı

Azərbaycanlı aktyor yoxa çıxan eşşəkləri "tapdı" (25 Mart 2017 13:33)
Yaponiyada "quş qripi" ilə əlaqədar 300 minə yaxın toyuq öldürüləcək (24 Mart 2017 08:27)
15 yaşlı qız kolbasadan zəhərləndi (05 Mart 2017 10:05)

Tarix: 16 Yanvar 2016 12:37

Kənd Təsərrüfatı Nazirliyi yanında Dövlət Baytarlıq Nəzarəti Xidməti (DBNX) yanvarın 12-də Bakının Suraxanı rayonun Qaraçuxur qəsəbəsi, Şərq massivində yerləşən "Zirvə" kolbasa məmulatları sexində toyuq və ət məhsullarından götürülən nümunələrin nəticələrini açıqlayıb. Xidmətdən “APA-Economics”ə verilən məlumata görə, müayinə zamanı 1 100 kq-dan artıq xammalın bakterioloji çirklənməyə məruz qalması, salmonella və eşerixa koli (escherichia coli) xəstəliklərinin törədicisinin olması müəyyən edilib.

 

Həmçinin, yanvarın 15-də Ağcabədi rayonunun Aşağı Avşar kənd sakini Nəbiyev Şamxal Kərim oğlunun idarə etdiyi "Daevo sentral" 10 PV 475 dövlət nömrə nişanlı minik avtomobilində aşkarlanan, Bakı şəhərinə satış üçün gətirilən, sağlamlığı, mənşəyi barədə heç bir sənədi olmayan və qida üçün orqanoleptik göstəriciləri şübhə doğuran 4 baş heyvan cəmdəyindən götürülən nümunələr Respublika Baytarlıq Laboratoriyasında müayinə olunub. Müayinə zamanı cəmdəklərin bakterioloji çirklənməyə məruz qalması, keyfiyyətsiz, eləcə də ölmüş və aqoniya vəziyyətində kəsilmiş iribuynuzlu heyvan cəmdəkləri olması müəyyən edilib.

 

Aparılan müayinələrin nəticəsinə əsasən həm 1 100 kq-dan artıq xammalın, həm də 4 baş iribuynuzlu heyvan cəmdəklərinin heyvan və insan qidası üçün yararsız olması və baytarlıq-sanitariya tələblərinə cavab verməməsi nəzərə alınaraq zərərsizləşdirilib.


Teqlər:  zirve kolbasa memulatlari sexi kolbasa toyuq ve et mehsullari xestelik toredici



RƏYLƏR


Top xəbərlər