"Sumqayıt" bir futbolçusu ilə yollarını ayırıb. Fanat.az xəbər verir ki, bu gün Antalya toplanışına start verən "Gənclik şəhəri" təmsilçisi qapıçı Şahruddin Məhəmmədəliyevlə vidalaşıb.
“İnter”dən ayrılan Səlahət Ağayevi heyətinə qatan "Sumqayıt" U-21 millimizin üzvünə ehtiyac duymayıb. Onunla müqavilə qarşılıqlı razılıq əsasında pozulub.
Qeyd edək ki, “Sumqayıt” bundan əvvəl Elnur Abdulov, Fuad Məmmədzadə, Tural Rzayev və Nuran Qurbanovla yollarını ayırmışdı.
Fanat.az