Aktual mövzular: Dollar alış-satışı , Hava haqqında, Məzənnə, Neftin qiyməti

Türkiyədə ABŞ səfiri qarşısında şərt qoyuldu

Türkiyədə ABŞ səfiri qarşısında şərt qoyuldu

Date: 16 January 2016 13:06

Ankara şəhərinin meri Melih Gökçek türk alimlərinin həbs olunmasına etiraz edən Amerika səfiri Con Bassın ölkəsinə qayıtmasını məsləhət görüb.

ANS PRESS-in türk mətbuatına istinadən verdiyi məlumata görə, Ankara meri öz Twitter səhifəsində paylaşdığı fikrində amerikalı səfiri Türkiyə ilə ABŞ arasında dost münasibətləri pozmamağa çağırıb:

“Siz Türkiyəni düşmən kimi təsvir etməyə çalışırsız. Xahiş edirəm, Türkiyə ilə ABŞ arasında olan münasibətləri pozmayın. Cənab səfir, ABŞ sizi Türkiyəyə səfir təyin etməkdə düzgün seçim etməyib. Qoy bura bizim barədə daha çox məlumatı olan amerika diplomatı gəlsin” – deyə Gökçek öz sosial şəbəkəsində yazıb.





Melik Gökçeyin Twitter səhifəsində paylaşdığı fikirlər


Yanvarın 15-də Türkiyədə ölkənin cənub-qərbində şiddətin dayandırılması və kürd probleminin sülh yolu ilə həll edilməsi üçün hökümətə müraciət edən 14 alim həbs edilib. Prokurorluq onları Türkiyə xalqını, dövlətini, hökümətini, parlamentini və məhkəməsini təhqir etməkdə və terror təşkilatını təbliğ etməkdə günahlandırıb. Həmin müraciətə ümumilikdə 1128 türk vətəndaşı və əcnəbi alimlər imza atıb.

ABŞ-ın Türkiyədəki səfiri Con Bass isə öz Twitter səhifəsində alimlərin saxlanılması ilə bağlı narahatlığını ifadə etmişdi. O, şiddətlə bağlı fikir bildirməyin və hökumətin tənqid edilməsinin terrorizmə dəstək vermək, dövlətə xəyanət kimi qiymətləndirilməsinə etiraz etmişdi.


Con Bass - ABŞ-ın Türkiyədəki səfiri





Tags:  Türkiyədə ABŞ səfiri qarşısında şərt qoyuldu


RƏYLƏR


Top news