Aktual mövzular: Dollar alış-satışı , Hava haqqında, Məzənnə, Neftin qiyməti

Dünyanın 400 ən zəngin adamı 15 günə nə qədər itirdi?

Dünyanın 400 ən zəngin adamı 15 günə nə qədər itirdi?

Date: 16 January 2016 13:17

2016-cı ilin ilk günləri dünyanın ən zəngin milyarderi üçün heç də düşərli olmayıb.

Modern.az Qərb agentliklərinə isitnadən xəbər verir ki, yeni ilin ilk 2 həftəsində planetin ən zəngin 400 adamı ümumlikdə 305 milyard dollar vəsait itirib. Buna səbəb Asiya, Amerika və Avropa fond birjalarındakı mənfi dinamika və neftin kəskin ucuzlaşması göstərilir.

Yanvarın 1-dən bəri ən böyük maliyyə itkisinə Amazon.com onlayn-satış saytının təsisçisi Ceff Bozes uğrayıb. Onun şirkətinin səhmləri 3,85% ucuzlaşdığı üçün milyarder 8,9 milyard dollar həcmində kasıblayıb.

Planetin ən zəngin adamı Bill Geyts isə 2016-cı il daxil olandan 6,8 milyard dollar maliyyə itkisi ilə üzləşib. 

Ən zəngin çinli biznesmen Van Çzyanlin isə 14 gündə 6,4 milyard dollar geriləyib.

400 ən zəngin biznesmen reytinqinin yalnız 9 üzvü sərvətini artıra bilib. Onlar arasında ən uğurlu misal Reliance İndustries Ltd. şirkətinin hindistanlı sahibi Mukeş Amabni olub. 2016-cı ildə o, 620 milyon dollar varlanıb.

Bloomberg agentliyi dünyanın ən zəngin 400 biznesmeninin ümumi sərvətini 3,6 trilyon dollar səviyyəsində qiymətləndirir. Halbuki, 2015-ci ilin əvvəllərində bu göstərici rekord 4,3 trilyon dollar idi.

Milli.Az


Tags:  Dünyanın 400 zəngin adamı 15 günə itirdi


RƏYLƏR


Top news