Aktual mövzular: Dollar alış-satışı , Hava haqqında, Məzənnə, Neftin qiyməti

Əməkdar artist: "Kəndin palçığından çıxıblar, indi də çaşıblar"

Əməkdar artist: "Kəndin palçığından çıxıblar, indi də çaşıblar"

Date: 16 January 2016 13:57

"Bu yaxınlarda eşitdim ki, efirlərə zəng vurub deyirlər: "Elnarə oxuya bilmir, onu verilişə çağırmayın. Mən onunla efirə çıxmıram". Bunları başa düşmürəm. Vay sizin halınıza".

Axşam.az-ın məlumatına görə, bu sözləri əməkdar artist Elnarə Abdullayeva "Star life" verilişində deyib. Müğənni həmkarlarını tənqid edib:

"İnsan qarşısındakını özündən ağıllı hesab etməlidir. Efirdə danışıramsa, tamaşaçını özümdən ağıllı bilirəm. Göydən gəlməmisiniz ki? Oxuyursunuz da, nə böyük iş görürsünüz ki? Bu müğənnilər özlərini necə itiriblərsə, orbitlərindən çıxıblar. Bunların səbəbi əvvəldən pul görməməkləridir. Əvvəldən pulu görən axmaq, təkəbbürlü danışmaz. Qəfildən əllərinə pul keçir, təcili özlərini itirirlər. Bunlar çaşıblar".

E.Abdullayeva müğənnilərin imkansızlıqdan şikayətlənmələrindən də danışıb:

"Əvvəl deyirdilər ki, "Mən yemək bişirə bilmirəm. Ancaq qayğanaq hazırlayıram. Evimdə neçə qulluqçum var". İndi deyirlər, "İmkanım yoxdur, ev işlərimi özüm edirəm". Guya nazir qızı olub. Bilin ki, biabırçılıq danışırsınız. Qadın qayğanaqdan başqa yemək bişirə bilmirsə, biabırçılıqdır. Haradan gəliblər? Hamısı kəndin palçığından çıxıb da. İndi də çaşıblar. Kimdir şəhərdən çıxan? Atamın rayonda ikimərtəbəli evi var idi. İndi deyirəm ki, mən villadan çıxmışammış ki. O vaxtlar "24" deyilən maşın ancaq imkanlı adamlarda olardı. Mənim atamın da varıydı. İndi onları deyib, lovğa-lovğa danışım? Adama deyərlər ki, gözüm aydın, neyləyim? Gəl mahnını oxu, çıx get".

Milli.Az


Tags:  Əməkdar artist Kəndin palçığından çıxıblar indi çaşıblar


RƏYLƏR


Top news