"Chelsea"nin baş məşqçisi Quus Hiddink komandanın turnir cədvəlindəki mövqeyilə bağlı fikirlərini bildirib. Goal.az xəbər verir ki, holland mütəxəssis komandanın aşağı diviziona yuvarlanmaq imkanını istisna etməyib.
""Chelsea"nin Championship-ə düşmə təhlükəsi realdır. Qarşıda iki çətin oyunumuz var. Turnir cədvəlinin 4-cü pilləsində olan "Tottenham"dən 12 xal geri qalırıq. Əlbəttə, irəli baxıb turnir cədvəlinin üstü pillələri ilə xal fərqini aradan qaldırmaq istəyirik. Amma reallıqla əlaqəni itirmək olmaz. Düşmə zonasından bizi yalnız 6 xal ayırır. Səylə çalışıb konsentrasiyanı saxlamalıyıq", - Hiddink deyib.
Milli.Az