Ötən il yol hərəkəti təhlükəsizliyi sahəsində görülən işlərə dair əməliyyat müşavirəsi keçirilib

17:13 16 Yanvar 2016
15 Digər
Ölkə mətbuatı
A- A+

DTX-dən XÜSUSİ ƏMƏLİYYAT - İki şəxs saxlanıldı (10 Mart 2017 21:03)
DTX xüsusi əməliyyat keçirib, iki silahlı şəxs məhv edilib (10 Mart 2017 21:02)
DTX əməliyyat keçirdi - Saxlanılanlar var (10 Mart 2017 20:52)


Bakı, 16 yanvar, AZƏRTAC
Yanvarın 16-da Daxili İşlər Nazirliyində (DİN) 2015-ci ildə yol hərəkəti təhlükəsizliyinin təmini sahəsində görülən işlər və qarşıda duran vəzifələrə həsr olunmuş geniş əməliyyat müşavirəsi keçirilib.
DİN-in mətbuat xidmətindən AZƏRTAC-a bildiriblər ki, müşavirəni giriş sözü ilə açan daxili işlər naziri, general-polkovnik Ramil Usubov Azərbaycan Respublikasının Prezidenti İlham Əliyevin rəhbərliyi ilə aparılan quruculuq proseslərində yaxından iştirak edən daxili işlər orqanlarının əməkdaşlarının, o cümlədən Baş Dövlət Yol Polisi İdarəsinin şəxsi heyətinin ölkəmizin qanunlarından, dövlətimizin başçısının fərman və sərəncamlarından, Nazirlər Kabinetinin qərarlarından, Daxili İşlər Nazirliyinin əmr və göstərişlərindən irəli gələn tələbləri layiqincə yerinə yetirməyə çalışdıqlarını vurğulayıb.
Diqqətə çatdırılıb ki, Dövlət Yol Polisinin maddi texniki bazasının müasirləşməsi, xidmətin “elektron hökumət” dövlət proqramına uyğun qurulması, normativ hüquqi bazanın təkmilləşdirilməsi istiqamətində tədbirlər hesabat dövründə də davam etdirilib. Ötən il yol hərəkəti təhlükəsizliyinin təmin edilməsi, insanların həyat və sağlamlığının avtomobillərin zərərli təsirlərindən qorunması sahəsində zəruri tədbirlər həyata keçirilib.
Sonra Baş İdarənin rəisi, polis general-mayoru Ramiz Zeynalov görülmüş işlər və qarşıda duran vəzifələr barədə geniş məruzə ilə çıxış edib.
Qeyd edilib ki, hesabat dövründə Dövlət Yol Polisi hissələrinin, stasionar postların, patrul avtomobillərinin, qeydiyyat-imtahan məntəqələrinin və diaqnostika mərkəzinin “Mərkəzi informasiya sistemi”nə birbaşa inteqrasiyası başa çatıb, avtomobil yollarında foto-video qeydiyyat funksiyalı texniki vasitələrlə yol hərəkətinə nəzarət sahəsi genişləndirilib. Şəhərlərarası avtomobil yollarında 154 nöqtədə 206 radar, 175 nöqtədə 595 videokamera quraşdırılıb.
İnzibati xəta törətmiş şəxslərə özlərinin iştirakı olmadan elektron protokolların tərtib edilməsi və inzibati protokolların bort kompyuterlərdə yazılması, icraatının aparılması, müvafiq məlumatların dərhal “ASAN xidmət” mərkəzinə ötürülməsi, vətəndaşlara SMS məlumatların göndərilməsi, habelə barələrində olan inzibati protokollar, cərimələr, qərarlar və s. haqqında onların internet vasitəsilə məlumat ala bilmələri üçün şərait yaradılıb. Eləcə də ölkə ərazisinə idxal edilən nəqliyyat vasitələrinin dövlət qeydiyyatı ilə əlaqədar prosedurların “bir pəncərə” prinsipi əsasında həyata keçirilməsi təmin edilib. Hesabat dövründə 32 min 721 avtomobil ilkin qeydiyyata alınıb. Respublikanın avtomobil parkının sayı 1 milyon 338 mindən artıq olub. Ötən il vətəndaşlara 50 min 977 sürücülük vəsiqəsi verilib. Həmçinin nəqliyyat vasitələrinin 63,8 faizi texniki baxışdan keçirilib.
Bildirilib ki, nazirliyin rəhbərliyinin tapşırığına əsasən, şəxsi heyətin səmərəli fəaliyyətinin təmin olunması üzrə işlər davam etdirilib. İdarəçilik və təşkilatçılıq işinin yaxşılaşdırılması, şəxsi heyətin peşəkarlıq səviyyəsinin artırılması, qanunçuluğun, o cümlədən insan hüquq və azadlıqlarının qorunması, xidməti, icra və uçot-qeydiyyat intizamına riayət edilməsinin vəziyyəti ciddi nəzarətdə saxlanılıb. Qanunvericiliyə edilmiş son dəyişikliklərdən, digər aidiyyəti normativ hüquqi aktlardan irəli gələn vəzifələrin düzgün icrası, qarşıya qoyulan tələblərin hər bir əməkdaşa çatdırılması təmin olunub.
Ötən il yol hərəkətinin təşkilinin təkmilləşdirilməsi və yol hərəkəti təhlükəsizliyinin təbliği məsələləri fəaliyyətin prioritet istiqamətlərinə aid edilməklə bu sahədə də bir sıra tədbirlər həyata keçirilib. Belə ki, yol sahələrində 100 işıqfor obyekti quraşdırılıb, 25,7 mindən artıq yol nişanı qoyulub və ya yenisi ilə əvəz edilib. Kütləvi informasiya vasitələrinin imkanlarından istifadə edərək əhali arasında geniş izahat işləri davam etdirilib, televiziya kanallarında mütəmadi olaraq hadisələrin baş verməsinə səbəb olan qayda pozuntularının izahına dair süjetlər yayımlanıb, respublika ərazisində hərəkətin təhlükəsizliyi həftəlikləri və aylıqları keçirilib.
Müşavirə iştirakçılarının diqqətinə çatdırılıb ki, bu gün ölkə rəhbərliyinin xüsusi diqqət və qayğısı sayəsində ən müasir keşik avtomobillərinin, digər zəruri texnika və avadanlığın imkanlarından yararlanan Dövlət Yol Polisinin əməkdaşları tərəfindən 2015-ci il ərzində 2,5 milyondan çox yol hərəkəti qayda pozuntusu aşkarlanıb, 4 min 241 sürücünün hüququ müxtəlif müddətlərə məhdudlaşdırılıb.
Avtonəqliyyat vasitələrinin qeydiyyat hərəkətləri zamanı axtarışda olan 40 şəxs və 47 avtomobil saxlanılıb. Aqreqat nömrələrinin qeydiyyat sənədləri ilə uyğunsuzluğu üzrə 736 fakt və 71 saxta sənəd aşkar olunub. Həmin materiallar araşdırılması üçün təhqiqat orqanlarına verilib. İl ərzində Baş İdarəyə 196 nəqliyyat vasitəsinin oğurlanması və qaçırılması barədə məlumat daxil olub ki, onlardan 130-u tapılıb.
Məruzəçi qeyd edib ki, həyata keçirilmiş tədbirlər, o cümlədən yol hərəkəti əleyhinə olan inzibati xətaların qarşısının alınması işinin gücləndirilməsi, bu sahədə, bir tərəfdən vətəndaşların maarifləndirilməsi nəticəsində onlarda qanuna hörmət hissinin daha da artması, digər tərəfdən, inzibati məsuliyyət tədbirlərinin təkmilləşdirilməsi müsbət nəticələrini verib. Ümumilikdə yol-nəqliyyat hadisələrinin, eləcə də qəzalarda həlak olan və yaralananların sayında nəzərəçarpacaq azalma qeydə alınıb. Belə ki, ötən il respublika ərazisində qeydə alınan 2220 yol-nəqliyyat hadisəsi (YNH) nəticəsində 894 nəfər həlak olub, 2265 şəxs yaralanıb. 2014-cü illə müqayisədə yol-nəqliyyat hadisələrinin sayı 15,7 faiz, həlak olanların sayı 20,5 faiz, yaralananların sayı isə 15,4 faiz azalıb.
Bildirilib ki, respublika üzrə qeydə alınmış YNH-lərin 94,5 faizi (2098) sürücülərin yol hərəkəti qaydalarını pozmaları, o cümlədən 36,9 faizi (821) ötmə və qarşıdan gələn nəqliyyatın yoluna çıxma, 27,4 faizi (609) nəqliyyat vasitələrinin yüksək sürətlə idarə olunması, 9,5 faizi (212) yolayrıcılarını keçmə qaydalarının pozulması, 2,4 faizi (53) nəqliyyat vasitələrinin sərxoş vəziyyətdə idarə olunması səbəbindən baş verib. Hadisələrin 41,6 faizini (923) piyadaların vurulması təşkil edib, nəticədə 333 piyada həlak olub, 673-ü yaralanıb. Piyadaların yol hərəkəti qaydalarını pozmaları nəticəsində 65 yol-nəqliyyat hadisəsi baş verib.
Dövlət Yol Polisi əməkdaşları tərəfindən 3 avtomat, 10 avtomat darağı, 389 müxtəlif kalibrli döyüş patronu, 3 tüfəng, 2 əl qumbarası aşkarlanaraq istintaq orqanlarına təhvil verilib. Axtarışda olan 19 nəfər yaxalanıb. Polisin digər xidmətləri ilə birgə 79 kiloqramdan çox narkotik vasitə götürülüb.
Müşavirədə çıxış edənlər görülmüş işlərdən, yol verilmiş nöqsanlardan və onların aradan qaldırılması üçün qarşıda duran vəzifələrdən danışıblar.
Müşavirəyə yekun vuran daxili işlər naziri Dövlət Yol Polisi xidmətinin ötənilki fəaliyyətinin nəticələrini ümumilikdə müsbət qiymətləndirib, qarşıda çox mühüm vəzifələrin durduğunu bildirib, onların həlli üçün konkret tapşırıq və tövsiyələrini verib. Ramil Usubov hər bir əməkdaşın vəzifə borcunun xidməti funksiyalarını layiqincə yerinə yetirmək, fəaliyyətin bütün sahələrində işlərin uğurlu getməsi üçün peşəkarlığın ən vacib amil olduğunu xatırladıb, eyni zamanda, əldə edilmiş müsbət nəticələrdən arxayınlaşmamağı, daha məsuliyyətlə xidmət aparılmasını tələb edib.
Nazir Ramil Usubov müasir dövrdə qanunvericilik aktlarının çox dinamik olduğunu, yeni ictimai münasibətlərin tənzimlənməsi baxımından vaxtaşırı dəyişikliyə məruz qaldığını xatırladıb. Bunun üçün onların dərindən öyrənilməsinin, praktikada düzgün tətbiq etməyin vacibliyini və zəruri hallarda vətəndaşlara izah etmək bacarığının mühüm əhəmiyyət daşıdığını bildirib.
Ramil Usubov qəzaların baş verməsinə birbaşa təsir göstərən sürət həddinin aşılması, ötmə qaydalarının pozulması, nəqliyyat vasitəsinin sərxoş vəziyyətdə idarə olunması və digər inzibati xətaların aşkarlanmasının daha da gücləndirilməsinin, həmin məsələlərlə bağlı aidiyyəti ərazi polis orqanlarına əməli köməklik göstərilməsinin, yol hərəkəti təhlükəsizliyinin təmini sahəsində əhalinin maarifləndirilməsi məsələsinə xüsusi diqqət yetirilməsinin, təhsil müəssisələrində təbliğat işlərinin, habelə, hadisələrin və onların hüquqi nəticələrinin kütləvi informasiya vasitələrində, xüsusən televiziya kanallarında davamlı olaraq işıqlandırılmasının, yol polisi əməkdaşlarının qanunla müəyyən edilmiş səlahiyyətlərini qanunvericiliyə tam uyğun həyata keçirmələrinin əhəmiyyətini vurğulayıb.
Xidməti vəzifələrin uğurla yerinə yetirilməsi üçün Azərbaycan Prezidenti İlham Əliyev tərəfindən bütün şəraitin yaradıldığını, şəxsi heyətin böyük qayğı ilə əhatə olunduğunu nəzərə çatdıran daxili işlər naziri dövlətimizin başçısının bu ali diqqətinə və etimadına cavab olaraq hər bir əməkdaşın üzərinə düşən vəzifələrin öhdəsindən layiqincə gələcəyinə, xidmətdə, həmçinin xidmətdənkənar vaxtlarda başqalarına nümunə olacağına, qazanılmış uğurlardan arxayınlaşmayaraq xalqa və dövlətə bundan sonra da şərəflə xidmət edəcəyinə əminliyini bildirib.
Tədbirin sonunda nazir Ramil Usubov tərəfindən ötən il xidməti vəzifələrin icrasında fərqlənmiş bir qrup əməkdaşa mükafatlar təqdim olunub.

RƏYLƏR

OXŞAR XƏBƏRLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

"Sovetski"də 1 nəfəri öldürüb, 2 nəfəri yaralayan şəxs saxlanıldı

23 İyun 2017 11:29

“Formula-1”: Azərbaycan Qran-prisi start götürür - FOTO

23 İyun 2017 11:29

Avtomobil qaçıran "DJ" tutulub

23 İyun 2017 11:29

Bakıda Formula-2 yarışlarına start verildi

23 İyun 2017 11:27

Günorta çağı 13 yaşlı qıza təcavüz etmək istəyən oğlan kameralara düşdü - VİDEO - FOTO

23 İyun 2017 11:27

Gecə klubunda “DJ” işləyən şəxs Bakı sakininin avtomobilini oğurlayıb

23 İyun 2017 11:27

Avropada daha bir rekord transfer təklifi - 135 milyon avro

23 İyun 2017 11:27

Kredit borcu olanlar fitrə verə bilər?

23 İyun 2017 11:25

"Real" 2 gənc futbolçu ilə razılıq əldə etdi

23 İyun 2017 11:22

Özəl şirkətlər də SOCAR istiqrazlarına maraq göstərirlər

23 İyun 2017 11:22

Bakıda Formula 2 yarışının sərbəst yürüşü start götürüb

23 İyun 2017 11:22

Bakıda Formula 2 pilotlarının sərbəst yürüşləri başlayıb

23 İyun 2017 11:22

Bakı şəhəri qlobal bahalılıq reytinqində 182-ci yeri tutub

23 İyun 2017 11:22

Sibel Can bu qədər pul xərclədi

23 İyun 2017 11:20

Tələbələrə JEST: kredit borclarını universitet ödəyəcək

23 İyun 2017 11:18

Bergüzar Korel uzun saçlarını görün nə hala saldı - FOTO

23 İyun 2017 11:18

Bakıda keçmiş sevgili dəhşəti: 1 ölü, 2 yaralı var...

23 İyun 2017 11:16

Aygün Kazımova istirahətdə: "Sevmək gözəldir" - FOTOLENT

23 İyun 2017 11:14

Aslı Muradla bağlı sualı eşidib, qaçdı - FOTO

23 İyun 2017 11:12

"Survivor 2017"nin qalibi bəlli oldu

23 İyun 2017 11:12

Onlar vahid çağrı mərkəzinə birləşdirildi

23 İyun 2017 11:10

Növbəti erməni yalanı ifşa olundu - MN

23 İyun 2017 11:09

Bakı Ali Neft Məktəbində Silahlı Qüvvələr günü qeyd olunub

23 İyun 2017 11:07

Məşhur rus model Bakını gəzdi - FOTO

23 İyun 2017 11:05

"Formula-1" Azərbaycan Qran-Prisi: Trasda dəyişikliklər və DRS zonaları

23 İyun 2017 11:05

Azərbaycan Formula 1 Qran Prisinə necə hazırlaşdı?

23 İyun 2017 11:05

Kıvanç: "Tuba ilə öpüşəndə narahat oluram"

23 İyun 2017 11:05

Soğanı soyun, qabığını atmayın...

23 İyun 2017 11:05

Sərxoş atasını 20 bıçaqla qətlə yetirən gənc MƏHKƏMƏ QARŞISINDA

23 İyun 2017 11:04

Venesuelada daha bir etirazçı hərbçilərin açdığı atəş nəticəsində öldürülüb

23 İyun 2017 11:02

UNEC kollektivi Cocuq Mərcanlıda (FOTO)

23 İyun 2017 11:01

Türkiyədən sərt cavab: Növbəti Aya Sofya QALMAQALI

23 İyun 2017 10:58

İlham Əliyev hərbi hissələrin açılışında iştirak edib

23 İyun 2017 10:58

"Qız qısa şortik geyinib, onun atası anası yoxdur?" - Qıza şillə vuran oğlanın atası - VİDEO - FOTO

23 İyun 2017 10:57

Reanimasiyadakı xalq artistinin oğlu: "Bizimlə maraqlanan yoxdur"

23 İyun 2017 10:54

Bakıda atasını öldürməkdə təqsirləndirilən şəxsin məhkəməsi başlayıb

23 İyun 2017 10:52

Bakı trası şəhər traslarından ən sürətlisidir

23 İyun 2017 10:52

Qazaxıstanın neft bazasında yanğın baş verib, bir nəfər həyatını itirib

23 İyun 2017 10:52

Ayağınızı buzlu suya salın

23 İyun 2017 10:50

Ordumuzun şərəfinə yeni medal təsis olunur - FOTO

23 İyun 2017 10:49

Flora Kərimova əməliyyat olundu

23 İyun 2017 10:49

ASAN xidmət neçə gün işləməyəcək?

23 İyun 2017 10:48

Tarkan artıq Bakıda – FOTO

23 İyun 2017 10:48

Formula-1 Azərbaycan Qran-Prisi öncəsi pit-yolu gəzintisi - FOTO

23 İyun 2017 10:48

Azərbaycanlı həkim dünyada ilkə imza atdı: Süni geli 2 seansa yox edir

23 İyun 2017 10:47

"Bu yayın ən yaraşıqlı bəy və gəlini"

23 İyun 2017 10:47

Dənizkənarı Milli Parkda "Formula-1 şəhərciyi" - FOTO

23 İyun 2017 10:47

"SamsungWind-Free™ - Külək olmadıqca narahatçılığa səbəb yoxdur"

23 İyun 2017 10:47

Gəlmələrlə çiçək(çirk)lənən futbolumuz

23 İyun 2017 10:47

Diversant məsələsinə sözardı...

23 İyun 2017 10:44