Müğənni Sezen Aksu dünən "Sezenli yıllar" konserti ilə növbəti dəfə tamaşaçılarının qarşısına çıxıb. Lent.az-ın axşam.az-a istinadən məlumatına görə, fəaliyyətinin 40-cı ilinə aid konsertləri bitdikdən sonra səhnə həyatını da bitirəcəyini deyən müğənni fanatlarını kədərləndirib.
Hər mahnısını fərqli işıq, şou və hekayə ilə təqdim edən ifaçı ilk dəfə heyranlarının onun üçün hazırladığı videoları da nümayiş etdirib. Yay aylarından başlayan konsertlərinin sonuncu günündə Sezen Aksu izləyicilərini 40 illik bir səyahətə çıxarıb.
