Aktual mövzular: Dollar alış-satışı , Hava haqqında, Məzənnə, Neftin qiyməti

Həkimə qarşı soyğunçuluq etmiş paytaxt sakinləri həbs edildi

Həkimə qarşı soyğunçuluq etmiş paytaxt sakinləri həbs edildi

Date: 16 January 2016 21:54

Balakəndə həkimin evinə soyğunçuluq məqsədi ilə girmiş Bakı şəhər sakinləri həbs edilib.

 

Balakən rayon Polis Şöbəsindən APA-nın Şəki-Zaqatala bürosuna verilən məlumata görə, ötən ilin noyabr ayının 19-u  rayonun Talalar kənd sakini Xəlifə İsgəndər oğlu Yolçiyev Balakən rayon Polis Şöbəsinə müraciət edərək bildirib ki, noyabr ayının 18-i axşam saat 23:30 radələrində  yaşadığı evin açıq qalmış qapısından 4 nəfər maskalı naməlum  şəxs evə girərək, onu və ailə üzvlərini bıçaqla hədələyərək pul vermələrini tələb ediblər. Daha sonra maskalı  naməlum şəxslər pul olmadığını bildikdən sonra evdən iki ədəd müxtəlif markalı mobil telefon və Xəlifə Yolçiyevə məxsus “Nissan” markalı minik avtomobilinin açarlarını götürərək hadisə yerini tərk ediblər.

 

Balakən RPŞ əməkdaşlarının həyata keçirdikləri əməliyyat-axtarış tədbirləri nəticəsində carı ilin yanvarın 15-i cinayəti törətmiş rayonun Qullar kənd sakini, 1991-ci il təvəllüdlü  Mübariz  Aydın oğlu Yetimov və qəsdən adam öldürməyə görə, 12 il məhkumluq həyatı yaşamış Bakı şəhər sakini, 1970-ci il təvəllüdlü  Güləli Əzizağa oğlu Abdullayev, yanvarın 16-ı isə digər Bakı şəhər sakinləri – 1992-ci il təvəllüdlü Zahid Xudaverdi oğlu Məmmədov və 1992-ci il təvəllüdlü Fərid Fikrət oğlu Məmmədov saxlanılıblar. Aparılmış ilkin istintaq zamanı həbs edilən şəxslər  törətdikləri cinayət hadisəsini etiraf ediblər.

 

Faktla bağlı Balakən RPŞ-də CM-nin müvafiq maddələri ilə cinayət işi başlayıb, təqsirlənən şəxslərin rayonda törədilmiş digər cinayətlərdə iştirak edib etməməsi-araşdırılır.

 

Məlumatda o da bildirilir ki, cinayəti törədən şəxslərin soyğunçuluq məqsədi ilə qarət etmək istədikləri  Xəlifə Yolçiyevin  Balakən şəhəri ərazisində özünə məxsus özəl tibb kabineti var və orada həkim işləyir.





Tags:  Həkimə qarşı soyğunçuluq etmiş paytaxt sakinləri həbs edildi

RƏYLƏR


Top news