Azərbaycan olimpiadaya 30-cu lisenziyanı qazandı

Azərbaycan olimpiadaya 30-cu lisenziyanı qazandı
21:57 16 Yanvar 2016
21 İdman
Ölkə mətbuatı
A- A+

Azərbaycan taekvondoçusu Fəridə Əzizova 2016-cı il Rio-de-Janeyro Yay Olimpiya Oyunlarına lisenziya qazanıb. Fanat.az xəbər verir ki, qadınlar arasında 67 kq çəki dərəcəsində yer alan Əzizova bu uğura Türkiyənin İstanbul şəhərində keçirilən Avropa Olimpiya Təsnifat Turnirində nail olub.

O, müvafiq olaraq, makedoniyalı Petra Matiyaseviç (4:1), ukraynalı Tatyana Teterevyanikova (3:0) və sloveniyalı Franka Aniç (1:0) üzərində inamlı qələbələr qazanaraq, karyerasında ikinci dəfə olimpiadada iştirak hüququna yiyələnib. Bu, Azərbaycanın 30-cu lisenziyası olub.

Ümumilikdə isə bu, 2015-ci ilin dekabr ayında Radik İsaevin 80 kq-dan yuxarı çəki dərəcəsində qazandığı lisenziyadan sonra Rio-2016-ya taekvondo üzrə qazanılan ikinci vəsiqədir. Yanvarın 17-də Azərbaycanın daha iki təmsilçisi - Patimat Abakarova (49 kq) və Milad Beigi Hərçəqani (80 kq) də lisenziya uğrunda mübarizə aparacaq.(Report)

Fanat.az

Xəbərin orijinal ünvanı: http://fanat.az/xeber-azrbaycan-olimpiadaya-30-cu-lisenziyan-qazand-t46849.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR