Aktual mövzular: Dollar alış-satışı , Hava haqqında, Məzənnə, Neftin qiyməti

ABŞ Rusiyanı bağışlayır?

ABŞ Rusiyanı bağışlayır?

Date: 16 January 2016 22:32

ABŞ-ın Rusiyaya tətbiq etdiyi sanksiyalar bu il ləğv oluna bilər.

Milli.Az anspress-ə istinadən bildirir ki, bu barədə ABŞ Dövlət Departamentinin sanksiyalar üzrə koordinatoru Daniel Frid bildirib.

O, həmçinin Rusiyanın Cənub-Şərqi Ukrayndakı problemlərin diplomatik yolla həllinə kökləndiyini bildirərək söyləyib: "Minsk razılaşmasının şərtləri tam təmin olunacağı halda, yəni Donbasda müstəqil seçkilər keçirildikdən sonra, Ukraynanın şərq sərhədlərində hərbi əməliyyatlar dayandırılaraq şərq sərhədləri bərpa olunan kimi sanksiyalar ləğv ediləcək".
"Görünür, Rusiya münaqişənin diplomataik yolla həllini istəyir, ABŞ hökuməti bunu ancaq alqışlaya bilər", - deyə koordinator əlavə edib.

ABŞ-ın və altılıq ölkələrinin İrana qarşı tətbiq etdiyi embarqoların aradan qaldırılması haqqında yayılan xəbərlərdən sonra ABŞ hökumətinin bir qədər mülayim siyasət yürütməyə başladığını bildirmək olar.

Belə ki, ABŞ və altılıq ölkələri İrana qarşı tətbiq etdiyi sanksiyaları bu gün aradan qaldırılacaq. Bununla əlaqədar olaraq İranın xarici işlər naziri Məhəmməd Cavad Zərif İranın nüvə proqramı üzrə danışıqlar aparmaq üçün Vyanaya yollanıb.

Nüvə razılaşması 2015-ci il iyulun 14-də Vyanada əldə olunub. Razılıq İranın nüvə fəaliyyətlərinin məhdudlaşdırılması müqabilində o ölkəyə qarşı beynəlxalq sanksiyaların yüngülləşdirilməsi nəzərdə tutur. Danışıqlardan sonra "altılıq" nümayəndələri iyul ayında bağlanan əqdin icrasının təsdiq edilməsi və sanksiyaların ləğvi barədə bəyanat yayacaq.
Milli.Az


Tags:  ABŞ Rusiyanı bağışlayır


RƏYLƏR


Top news