Aktual mövzular: Dollar alış-satışı , Hava haqqında, Məzənnə, Neftin qiyməti

İran 114 “Airbus” təyyarəsi alacaq

İran 114 “Airbus” təyyarəsi alacaq

Date: 16 January 2016 23:29

İran və Fransanın “Airbus” təyyarə istehsalçısı şirkəti arasında114 ədəd təyyarənin satın alınması haqqında razılaşma əldə olunub. Bunu İranın yol və şəhərsalma naziri Abbas Axundi deyib. APA-nın Iran bürosunun məlumatına görə, A. Axundi qeyd edib ki, bu anlaşma ölkənin təyyarə parkının yenilənməsi məqsədi ilə əldə olunub.

 

Onun sözlərinə görə, xarici aviaşirkətlər İranın təyyarə parkının yenilənməsi prosesində lizinq əsasında  əməkdaşlıq edə biləcəklər.

 

İranın yol və şəhərsalma nazirinin sözlərinə görə, dünyanın böyük sığorta şirkətləri ilə də bu sahədə müzakirələr aparılıb.

 

Qeyd edək ki, noyabr ayında İranın yol və şəhərsalma naziri Abbas Axundi ölkənin təyyarə parkının dünyanın ən köhnə aviasiya donanması olduğunu demişdi və bildirmişdi ki, onun  yenilənməsi üçün İrana 50 milyard dollar dəyərində 500 təyyarə lazımdır. Amma bu qədər maliyyə resursu İranda yoxdur.

 

O hökumətin nəqliyyat sektorunda, xüsusi ilə aviasiya sənayesində yerli və əcnəbi şirkətlər arasında müştərək şirkətlərin təsis olunması, lizinq və birbaşa satış şəklində əməkdaşlıq etməyə hazır olduğunu bildirmişdi.


Tags:  İran 114 Airbus təyyarəsi alacaq


RƏYLƏR


Top news