Beyləqanda 3 nəfərin xəsarət almasına səbəb olan yol-qəza hadisəsi baş verib.
ANS PRESS-in məlumatına görə, hadisə Daşburun-Beyləqan yolunun Milabad kəndi ərazisindən keçən hissəsində baş verib. Beyləqan rayon sakini, 27 yaşlı Əkbər Hüseynov idarə etdiyi “Mercedes” markalı maşın ilə yoldan çıxaraq ağaca çırpılıb.
Sürücüylə yanaşı 29 yaşlı paytaxt sakini Rasim Xəlilov və Beyləqan rayon sakini 29 yaşlı Zamiq Həsənov müxtəlif bədən xəsarətləri alıb. Yaralılar Beyləqan Mərkəzi Rayon Xəstəxanasına yerləşdirilib.
Onlara ilkin tibbi yardım göstərilib. Xəstəxanadan vəziyyətlərinin orta ağır olduğu bildirildi.
Beyləqan rayon polis şöbəsinin əməkdaşları hadisənin səbəblərini araşdırır
