Bakı - APA. Cənubi Koreya şimal qonşusu ilə barışığa və istənilən formatda dialoq aparmağa hazırdır.
APA-nın Cənubi Koreyanın “Renhap” agentliyinə istinadən verdiyi xəbərə görə, bu barədə bu ölkənin baş naziri Çon Hon Von deyib.
“Bu il biz Koreya yarımadasında əbədi sülh yaratmalıyıq və birləşmək istiqamətində addım atmalıyıq”, - deyə baş nazir bildirib.
Qeyd edək ki, Yeni il münasibətilə xalqa ünvanladığı müraciətdə Şimali Koreya lideri Kim Çen In Cənubi Koreya ilə dialoq aparmağa hazır olduğunu açıqlayıb.