[ 03 Yanvar 2015 05:38 ]
Bakı-APA. Sabirabadda yanğın hadisəsi qeydə alınıb. APA-nın Fövqəladə Hallar Nazirliyinin (FHN) saytına istinadən verdiyi xəbərə görə, yanğın rayonun Şəhriyar kəndində vətəndaşa məxsus ümumi sahəsi 160 kv.m olan birmərtəbəli 4 otaq və 1 aynabənddən ibarət kürsülü evdə baş verib. Nəticədə evin dam örtüyünün yanar konstruksiyaları və ev əşyaları qismən yanıb. Evin qalan hissəsi yanğından mühafizə olunub. Yanğın saat 02:10-da yanğınsöndürənlər tərəfindən söndürülüb.
