[ 03 Yanvar 2015 12:29 ]
Bakı. Cavid Zeynalov - APA. Mədəniyyət və İncəsənət Universitetinin xalq çalğı alətləri şöbəsinin kafedra müdiri, tarzən Gülağa Zeynalov dünyasını dəyişib. Tarzən Vamiq Məmmədəliyevin APA-ya verdiyi məlumata görə, G.Zeynalov yanvarın 2-də axşam vəfat edib.
Mərhumla vida mərasimi bu gün keçiriləcək.
Qeyd edək ki, Gülağa Zeynalov 1956-cı il aprelin 28-də Şuşa şəhərində anadan olub. Musiqi məktəbini bitirdikdən sonra 1975-ci ildə Azərbaycan Dövlət Konservatoriyasına daxil olub.
Gənc yaşlarından Odessa, Berlin, İstanbul, Hollandiya, Qazaxıstan, Özbəkistan, Kiyev və başqa şəhərlərdə keçirilən festival və müsabiqələrdə iştirak edib.
