Azərbaycan, Bakı, 3 yanvar /Trend/
FIFA-nın I vitse-prezidenti Valentin Qranatkinin xatirəsinə həsr olunmuş XXVII ənənəvi beynəlxalq turnirdə 1997-ci il təvəllüdlü futbolçulardan ibarət Azərbaycan yığması bu gün ilk oyununu keçirib.
Trend-in məlumatına görə, yığmamız Yaponiya komandası ilə qarşılaşıb.
Peterburqski İdman-Konsert Kompleksində keçirilən oyun millimizin minimal hesablı qələbəsi ilə başa çatıb. Matçda yeganə qolu 7-ci dəqiqədə Elnur Cəfərov vurub.
Məqalə müəllifi ilə əlaqə ünvanı: agency@trend.az
