“Neftçi”nin sabiq futbolçusu Bruno Bertuççi özünə yeni komanda tapıb. Apasport.az saytının məlumatına görə, braziliyalı müdafiəçi karyerasını vətənində davam etdirəcək.
4 ildən sonra vətəninə qayıdan 24 yaşlı arxa xətt oyunçusu “Portuqeza” ilə anlaşıb. 2014-cü ildə B seriyasında sonuncu olan komanda bu il C seriyasında mübarizə aparacaq. Bruno “Neftçi” yolları ayrıldıqdan sonra cəmi 1 ay klubsuz qalıb.
Qeyd edək ki, Bertuççi 2012/13 mövsümündən formasını geydiyi “Neftçi””də ümumilikdə 82 oyun keçirib, 3 qol vurub. Müdafiəçi bu müddətdə Azərbaycan çempionu titulunu və 2 dəfə ölkə kubokunu qazanıb.