Azərbaycan əsilli Qazaxıstan müğənnisi Neyla Quliyeva Dağlıq Qarabağda mahnı oxumağı arzu edir.
ANS PRESS-in məlumatına görə, bu barədə müğənni vesti.az-a müsahibəsində deyib.
Gələcək planlarından danışan Neyla Quliyeva deyib ki, ən böyük arzularından biri Qarabağda mahnı ifa etməkdir.
"Siyasətlə maraqlanmıram. Ancaq açıq-aydın görünür ki, mənim Vətənim böyük haqsızlığa qarşı dözür. Torpaqların 20%-i işğal edilib. Lakin dünya ictimaiyyəti bu problemin həlli üçün heç bir addım atmır. Ümid edirəm ki, yeni mahnılarım Azərbaycan üçün mənəvi dəstək olacaq", deyə N.Quliyeva bildirib.