İngiltərədə lotoreyada (Euromillions) 108 milyon sterlinq (təxminən 200 milyon dollar) qazanan Neyl Trotter özünə 5 milyon sterlinqə villa alıb. Lent.az-ın məlumatına görə, tarixi malikanənin 8 yataq otağı, həyətində geniş göl var. Keçən ilin martında tarixi məbləğdə uduşu əldə edən 41 yaşlı Neyl xanımı, 33 yaşlı Niki Ottavayla bu evdə yaşayacaq.
Qeyd edək ki, lotoreya sayəsində həyatını tamamilə dəyişən Neyl əvvəllər avtomobil təmiri ilə məşğul olub. İndi onun xeyli bahalı idman avtomobilləri var.