Bakı, 2 mart, AZƏRTAC
Gənclər və İdman Nazirliyinin dəstəyi ilə Şəki şəhərində “Maraqlı peşə - uğurlu karyeranın təməlidir” adlı layihə həyata keçirilib.
“SAF həyat naminə” Gənclər İctimai Birliyinin mətbuat xidmətindən AZƏRTAC-a verilən məlumata görə, 5 gün davam edən təlimdə region gəncləri, tələbələr və müvafiq dövlət qurumlarının rəhbərləri iştirak ediblər. İctimai Birliyin icra etdiyi bu layihədən onlarla gənc faydalanıb.
Qeyd edək ki, layihə peşə seçimində gənclərə dəstək olmaq məqsədi daşıyıb.