XƏBƏRDARLIQ: Azərbaycanda infarktlar artacaq

XƏBƏRDARLIQ: Azərbaycanda infarktlar artacaq
12:14 5 Yanvar 2015
148 Sosial
Ölkə mətbuatı
A- A+

Profilaktik tədbirlər görülməlidir

“Hava şəraiti (fəsil dəyişiklikləri) ilə əlaqədar əksər ölkələrdə, o cümlədən Azərbaycanda, eləcə də Bakıda oktyabr-noyabr, mart-aprel aylarında infarkt, insult kimi xəstəliklər iyula-avqust, dekabr-yanvar aylarına nisbətən çox olur. Bunu Lent.az-a açıqlamasında Azərbaycan Tibb Universitetinin tibbi profilaktika kafedrasının müdiri, professor Aydın Məmmədov bildirib. Kafedra müdirinin sözlərinə görə, hər kəs yanvarda havanın soyuq, iyulda isə isti olmasını bilir. “Yəni orqanizm fəsillərə uyğun özünü tənzimləyə bilir. Lakin oktyabr-noyabr, mart-aprel aylarında isə hava şəraiti tez-tez dəyişir. Ona görə də qeyd etdiyim aylarda infakt xəstəliklərinə daha çox rast gəlinir”.

 

Professor bildirib ki, buna görə, profilaktik tədbirlər görülməlidir: “Meteo-həssas insanlar, yaşlı şəxslər, xroniki xəstəlikləri olanlar adi hava dəyişkənliyinə dözə bilmirlər. Yəni hava dəyişmələri bu cür insanlarda xəstəliklərin artmasına səbəb olur. Həmin şəxslər hava dəyişkənliyi dövründə dərman qəbul etməli, açıq hava şəraitinə çox çıxmamalı və riskli işlər görməməlidir”.

 

A.Məmmədov vurğulayıb ki, bu ilin mart-aprel, oktyabr-noyabr aylarında Azərbaycanda infarkt, insult xəstəliklərinin sayında artım olması istisna edilmir.

 

 


Xəbərin orijinal ünvanı: http://news.lent.az/news/189398

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR