Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Niyə Məhərrəm ayına haram ayı deyirlər?

Niyə Məhərrəm ayına haram ayı deyirlər?

Date: 1 October 2016 21:42

Allah zamanı yaratdı. Onu on iki aya böldü. Onlardan dördünü seçib şərəf və fəzilət baxımından digər aylardan üstün qıldı."Həqiqətən, Allah yanında ayların sayı göyləri və yeri yaratdığı gündən bəri Allahın Kitabında on ikidir. Onların dördü (rəcəb, zülqə'də, zülhiccə və məhərrəm) haram aylardır. Bu, doğru dindir, Ona görə də həmin aylarda özünüzə zülm etməyin."(Tövbə 36) Ümumiyyətlə bir şeylərin içindən bəzisini seçmək Allahın qanunundandır.(Sünnətullah)Məs: İnsanlar içindən peyğəmbərləri, Maddələr içindən təmizləyici kimi suyu və torpağı, məkanlar içindən Məkkəni , Fələstini, Tur dağını. Zamanlar içindən Ramazanı, Ərəfə gününü, Aşura gününü, Qədr gecəsini. Bunların bəzi hikmətləri elm əhli tərəfindən üzə çıxarılmış, bir çoxu isə sirri-ilahidə gizli qalmışdır. Seçilməsinin hikməti qismən açıldığı halda ( məs; Ramazan ayının seçkin olma səbəbini bu ayda Quranın nazil edilməsi kimi, nəyə görə məhz "Ramazan ayı" sualı isə hikməti yalnız Allaha molum olan çox dərin bir məna daşımaqdadır.

Milli.Az azerimuslims.com-a istinadən bildirir ki, deməli allah on iki aydan dördünü { Zil-qadə, Zil-hiccə, Məhərrəm, Rəcəb)seçib digər aylara nisbətən ucaltmış və bu səbəbdən də insanların da bu aylara sayğı, hörmət göstərməsini istəmişdir. Hətta bu aylara dair xüsusi şəriət hökmləri də nazil etmişdir. "Ey iman gətirənlər! Allahın müəyyən etdiyi mərasimə (həcc mərasiminə), haram (hörmətli) aya (həcc ayı hesab edilən Zülhiccəyə və ya rəcəb Zülqə'də, Zülhiccə və məhərrəm aylarına), (Kə'bəyə gətirilən) qurbanlara, boynuna nişan taxılmış qurbanlıq heyvanlara, həmçinin Rəbbinin lütfünü və razılığını diləyərək Beytülhərama (müqəddəs evə) üz tutub (ziyarətə) gələnlərə hörmətsizlik etməyin!" (Maidə 2) Onlardan biri də digər aylarda halal olan müharibə və qan tökmə(müəyyən şərtlərlə təbii ki) bu aylarda haram qılınmışdır. Bu da insanların bu aylara öz təzim və ehtirammı ifadə edə bilməsi üçün ilahi bir hökmdür. Bu səbəbdən də tək məhərrəm deyil, Zül-qadə, Zül-hiccə və Rəcəb də daxil olmaqla bu aylar haram ayları sayılmaqdadır. Əlavə məlumat üçün saytımızdakı "Haram ayı Məhərrəm "adlı məqaləni sizin faydalanmanız üçün edə bilərik.

Milli.Az


Tags:  Niyə Məhərrəm ayına haram ayı deyirlər

RƏYLƏR


Top news