"Kəpəz"in baş məşqçisi Şahin Diniyev Azərbaycan Premyer Liqasının VII turu çərçivəsində "Neftçi"yə qarşı keçirdikləri oyunu şərh edib. Fanat.Az xəbər verir ki, Gəncə klubunun çalışdırıcısı 0:2 hesabıyla bitən qarşılaşmadan sonra bunları söyləyib:
- Matç ağır keçdi. İlk hissədə çoxlu qol vəziyyətlərini boşa verdik. Bizim günümüz deyildi. “Neftçi” 3 xala layiq idi. Mənə elə gəlir ki, futbolçularım “Neftçi”ni qiymətləndirə bilmədilər. Uşaq səhvlərindən qollar buraxdıq.
- Qapıçı Tadas Simaitis bu gün kobud səhvlər etdi...
- Düzdü, səhvləri oldu. Amma bir oyuna görə futbolçunu hesabdan silmək olmaz.
- Komandanın daxilində hər hansı problem varmı?
- Yox. Sadəcə, motivasiya cəhətdən problemlərimiz var. Daha çox işləmək lazımdı. Bu məğlubiyyətə görə azarkeşlərimizdən üzr istəyirəm.
- “Neftçi”ni qiymətləndirməməkdə “Qarabağ”la heç-heçənin təsiri varmı?
- Var. Məşqçi üçün ən çətini uğurdan sonra komandanı bir araya gətirməkdi. Bursda mənim də günahım var. Nə qədər çalışsam da, uşaqları o heç-heçənin fikrindən çıxara bilmədim. Fərdi söhbətlər aparsam da, xeyri olmadı.
- Bu nəticədən sonra komandanı necə toparlayacaqsız?
- Məğlubiyyətdən sonra komanda özü-özünə toparlanır. Bundan sonra futbolçulara nəsə deməyimə ehtiyac yoxdu.
