Roma Papasından Qafqazda sülh üçün dua etməyi xahiş etdi

Roma Papasından Qafqazda sülh üçün dua etməyi xahiş etdi
12:39 2 Oktyabr 2016
14 Digər
Ölkə mətbuatı
A- A+

Azərbaycandakı Katolik kilsəsinin ordinarisi Vladimir Fekete Roma Papası Fransiskin iştirakı ilə kilsədə baş tutan dua mərasimindən sonra Papaya təşəkkür  edib.

 

APA-nın məlumatına görə, o çıxışında bildirib ki, bu gün Azərbaycandakı yerli kilsə və ölkənin bütün xalqı Rəbbdən qeyri adi hədiyyə alıb.

 

Katolik kilsəsinin ordinarisi deyib ki, Roma Papasına Azərbaycan Apostol Prefekturasının bütün imamları, keşişləri, rahibləri adından burada olduğu, moizə zamanı təşviqi sözləri və öz həyatını tamamilə Allahın padşahlığına həsr edərək nümunə olduğu üçün dərin minnətdarlığımızı bildirir: “Sizdən xahiş edirik ki, bizimlə birlikdə Qafqazda barışıq və sülh üçün dua etməyə davam edəsiniz”.

 

Daha sonra üzərində Bakıdakı katolik Kilsəsinin şəkli olan xalça Roma Papasına hədiyyə edilib. Papa çıxışı edib və xeyirxah işlərə imza atan Selezian ailəsinə salamlarını çatdırıb: “İnsanlara xidmət etmək üçün həyata keçirdiyiniz işləri davam etdirin”.

 

Bununla da mərasim başa çatıb.


Xəbərin orijinal ünvanı: http://news.lent.az/news/255346

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR