Aktual mövzular: Dollar alış-satışı , Hava, Məzənnə, Neftin qiyməti

İdman sahəsində İtaliyanın 3 universiteti ilə əməkdaşlıq ediləcək

İdman sahəsində İtaliyanın 3 universiteti ilə əməkdaşlıq ediləcək

Dinozavrların ayaq izləri tapıldı (22 Mart 2017 11:20)
Azərbaycanda 8 ali təhsil müəssisəsinin akkreditasiyasına başlanılıb (06 Mart 2017 18:27)
Azərbaycan və İtaliya müdafiə sənayesi sahəsində əməkdaşlıq edəcəklər (23 Fevral 2017 11:17)

Tarix: 3 Oktyabr 2016 12:02

Bakı. 3 oktyabr. REPORT.AZ/ Azərbaycan Dövlət Bədən Tərbiyəsi və İdman Akademiyasında İtaliyanın Kassino və Cənubi Lasio Universitetinin rektoru, İtaliyanın ən böyük ali məktəblərindən olan Genuya Universitetinin təhsil şöbəsinin müdiri və Link Campus Universitetinin Erasmus proqramının koordinatoru ilə görüş kecirilib. 
Gənclər və İdman Nazirliyinin mətbuat xidmətindən "Report"a verilən məlumata görə, tədbir idman tədrisi sahəsində təcrübəni bölüşmək və gələcək əməkdaşlıq haqqında imkanları müzakirə etmək məqsədilə təşkil olunub. 
Görüşün nəticəsi olaraq məşqçilərin hazırlanması, idman tibbi və idman menecmenti sahələrində davamlı əməkdaşlıq, yeni tədris proqramlarının hazırlanması, eyni zamanda müəllim və tələbə mübadiləsinin həyata keçirilməsi üzrə fikir mübadiləsi aparılıb. Bir sıra məsələlər, o cümlədən bioetika və idman etikası, biokimya və molekular biologiya sahəsində adaptiv mexanizmlərin mükəmmələşdirilməsinə yönələn yeni texnologiyalar və dopinq məsələləri, Akademiyada elmi-tədris laboratoriyanın yaradılması, məhdud fiziki imkanları olan tələbələrin tədris prosesinə cəlb edilməsi məsələləri də geniş müzakirə edilib. Qonaqlar Azərbaycanın son illər ərzində qazandığı idman uğurlarının ölkənin hazırkı inkişaf səviyyəsini və iqtisadi qüdrətini əks etdirdiyini vurğulayıb, "Bakı-2015" I Avropa Oyunları, xüsusən, Formula 1 üzrə Avropa Qran Prisinin Azərbaycanda keçirilməsinin Vətənimizin idman ölkəsi kimi tanınmasında və beynəlxalq imicin yüksəlməsində böyük rol oynadığını vurğulayıblar. 
Qeyd edək ki, son zamanlar Azərbaycan Dövlət Bədən Tərbiyəsi və İdman Akademiyası beynəlxalq əlaqələrin inkişafı üçün ardıcıl işlər aparır. İdman təhsili sahəsində mövcud beynəlxalq təcrübəni və təhsil modellərini öyrənmək məqsədilə Akademiyanın nümayəndələri ABŞ, Almaniya, Türkiyə, Rusiya, Sloveniya, Latviya, Bolqarıstan, Belarus və s. ölkələrə ezam edilib, qarşılıqlı əməkdaşlıq əlaqələri yaradıblar.


Teqlər:  İdman sahəsində İtaliyanın universiteti əməkdaşlıq ediləcək



RƏYLƏR


Top xəbərlər